Zihmund Hiedrevič 11 hod uznačalvaŭ staličny ankadyspansier.
Ankołah-chirurh, kandydat miedycynskich navuk Zihmund Hiedrevič pamior 11 listapada na 76‑m hodzie žyćcia. Pra heta paviedamiŭ kamitet pa achovie zdaroŭja Minharvykankama.
Z 2000 pa 2011 hod Hiedrevič uznačalvaŭ Minski haradski kliničny ankałahičny dyspansier i byŭ hałoŭnym ankołaham stalicy.
Zihmund Hiedrevič skončyŭ lačebny fakultet Minskaha dziaržaŭnaha miedycynskaha instytuta ŭ 1977 hodzie. Paśla internatury pracavaŭ chirurham haradskoha ankadyspansiera, paźniej uznačaliŭ jaho chirurhičnaje adździaleńnie. Z 1986 hoda vykładaŭ na kafiedry ankałohii.
U 1994 hodzie Hiedrevič abaraniŭ kandydackuju dysiertacyju, pryśviečanuju lačeńniu raku ščytapadobnaj załozy. U 1998‑m atrymaŭ zvańnie dacenta.
Hiedrevič apublikavaŭ kala 85 navukovych prac i byŭ suaŭtaram dvuch vynachodnictvaŭ.
Jon byŭ siabram Biełaruskaha tavarystva ankołahaŭ i Jeŭrapiejskaha tavarystva chirurhičnaj ankałohi. Uznaharodžany znakam «Vydatnik achovy zdaroŭja».
«Zyhmund Eduardavič pryśviaciŭ miedycynie ŭsio svajo žyćcio. Hramatny arhanizatar achovy zdaroŭja i mudry nastaŭnik, jon zrabiŭ nieacenny ŭniosak u raźvićcio ankałahičnaj słužby krainy, vyratavaŭ tysiačy žyćciaŭ i vychavaŭ nie adno pakaleńnie maładych śpiecyjalistaŭ», — havorycca ŭ paviedamleńni kamiteta pa achovie zdaroŭja.
Kamientary