U Minharvykankamie patłumačyli ažyjatažny popyt na kvitki na navahodnija pradstaŭleńni ŭ Biełdziaržcyrku. Pa słovach načalnicy ŭpraŭleńnia kultury Minharvykankama Kaciaryny Łučynaj, padobnaja situacyja paŭtarajecca kožny hod.

Kali letaś u cyrku adbylisia 64 navahodnija pradstaŭleńni, to sioleta ich kolkaść pavialičyli prykładna da 80. Ciapier u śviatočnyja dni vystupleńni niaredka prachodziać pa try razy na dzień.
Vysoki popyt tłumačycca tym, što kvitki nabyvajuć nie tolki minčuki, ale i žychary inšych rehijonaŭ Biełarusi. Akramia taho, na navahodnija i kaladnyja śviaty ŭ Minsk pryjazdžaje šmat turystaŭ, jakija taksama chočuć naviedać cyrk.
Pa słovach Kaciaryny Łučynaj, pavialičyć kolkaść pradstaŭleńniaŭ jašče bolš niemahčyma: taki hrafik byŭ by zanadta składanym dla akrabataŭ i žyvioł, zadziejničanych u cyrkavych numarach.
Tym, chto nie zdoleŭ nabyć kvitki ŭ cyrk, prapanujuć naviedać navahodnija dziciačyja śpiektakli ŭ haradskich teatrach. Akramia taho, z 25 śniežnia pa 4 studzienia na terytoryi Vierchniaha horada dvojčy na dzień buduć ładzić biaspłatnyja dziciačyja pastanoŭki.
«Try šerahi źnikli za dolu siekundy». Biełarusy znoŭ nie mohuć patrapić na navahodnija šou ŭ cyrku
Amierykanka pabiła rekord biełaruski pa kručeńni ŭ pavietry na ŭłasnych vałasach
Salista rasijskaha hurta na kancercie ŭ Minsku, padobna, adkačvała chutkaja — paśla jon śpiavaŭ u paŭciemry pad fanieru
Salist «Troch dzion daždžu» pra skandalny kancert u Minsku: Praz stan majho zdaroŭja my nie zmahli vykanać usiu prahramu tak, jak chacieli
Kamientary