Kachańnie i seks2828

Pamior 87‑hadovy turecki miljarder, ułaśnik minskaj Crowne Plaza. Ale hrošaj nie pakinuŭ ni žoncy-biełaruscy, ni čatyrom dzieciam

Amal 30 hadoŭ tamu 17-hadovaja Kaciaryna Šulkievič pajechała z rodnych Baranavičaŭ u Turcyju. Płan byŭ prosty: papracavać u hateli i padzarabić hrošaj. Ale praz try dni ŭ jaje zakachaŭsia ŭładalnik hatela i «karol kazino» Sudzi Azkan, starejšy za jaje na 40 hadoŭ.

Kaciaryna Šulkievič i Sudzi Azkan

Kali Kaciaryna ŭ 17 hadoŭ (heta byŭ 1997 hod) vyrašyła pajechać pracavać u turecki hatel, baćkam ideja nie vielmi spadabałasia. Užo kali žančyna stała hierainiaj publikacyj suśvietnych ŚMI, kazała: maci admaŭlałasia adpuskać dačku ŭ Turcyju, a pieršym zdaŭsia tata. Maŭlaŭ, lepš pryniać rašeńnie dziaŭčyny, bo jana ŭpartaja — usio roŭna źjedzie, dyk varta nie psavać adnosiny, kab dačka chacia b telefanavała.

Paźniej Kaciaryna pryznavałasia: kali b niechta ź jaje dziaciej u 17 hadoŭ vyrašyŭ paŭtaryć historyju pryhod maci, jana b naniała śpiecsłužby, kab tyja znajšli ŭciekača, viarnuli damoŭ i zakryli b na 30 zamkoŭ.

U takuju Kaciarynu miljarder i zakachaŭsia

Ale vierniemsia ŭ 1997 hod: biełaruska prylacieła ŭ Kumburhaz (cichaje i ŭtulnaje miastečka pablizu Stambuła) i ŭładkavałasia na pracu ŭ hatel Princess. Tam jana i paznajomiłasia z Sudzi Azkanam — paśpiachovym biznesmienam, uładalnikam hatelaŭ i kazino.

Mužčyna byŭ na 40 hadoŭ starejšy za Kaciarynu. Navat jaho dva syny ad pieršaha šlubu byli starejšymi za dziaŭčynu. Ale Sudzi byŭ začaravany biełaruskaj.

Kazaŭ, što byŭ u depresii paśla razvodu — a tut pabačyŭ pryhožuju dziaŭčynu i na dušy stała radaśniej. 

Jana była naiŭnaj i saramlivaj, čaściakom biantežyłasia i čyrvanieła padčas razmovy. Imavierna, heta i skaryła serca miljardera.

Fota: kp.ru

Adpracavała ŭ vyniku Kaciaryna dva ci try dni. A paśla Sudzi zaprasiŭ jaje na viačeru. Jon nie viedaŭ ruskaj movy, jana — tureckaj i anhlijskaj. Ale ž niejak parazumielisia.

Biełaruska razvažała paśla: moža, u pačatku adnosin moŭny barjer i dapamahaje — ulublaješsia ŭ pohlad, pach čałavieka.

Pieršy hod Sudzi sprabavaŭ skaryć jaje serca — zavalvaŭ kvietkami dy ŭpryhožańniami, a Kaciaryna vystaŭlała kavalera za paroh jaho ž hatela.

Kaciaryna Šulkievič u 1997 i 2018

Paśla adnosiny nahadvali amierykanskija horki. Kaciaryna raspaviadała ŭ intervju «Kamsamolskaj praŭdzie», što vielmi chacieła siamju i dziaciej — a voś jaje abrańnik da hetaha nie vielmi imknuŭsia. Bo dzieci ŭ jaho ŭžo byli, a niaŭdały dośvied šlubu nie asabliva matyvavaŭ znoŭ stavić štamp u pašpart.

Pry kožnym kanflikcie Kaciaryna źbirała čamadany i źlatała na radzimu (adnojčy jaje partnior navat schavaŭ pašpart, kab jana nie zmahła źjechać). Ci to surjozna, ci to žartujučy kazała: kali apošni raz «nazaŭsiody» viarnułasia ŭ Biełaruś, biznesmien pabudavaŭ u Minsku piacizorkavy hatel Crown Plaza — kab być u krainie, adkul biełaruska nie zmoža ŭlacieć.

Aficyjnaje viasielle zrabili praź siem hadoŭ paśla znajomstva — na toj momant u pary ŭžo było try syny. Šykoŭnaja cyrymonija adbyłasia ŭ 2004 hodzie na karybskim vostravie Sien-Marten u hateli, jaki naležaŭ žanichu.

Nad padrychtoŭkaj śviata dva miesiacy pracavała kamanda z 200 čałaviek. Ź Niderłandaŭ dastavili 4000 archidej, z Francyi śpiecyjalna pryvieźli aficyjantaŭ, a z Turcyi — kucharaŭ. 

Fota: kp.ua

Na bankiecie haściam padali 20 kiłahram białužaj ikry, 150 kiłahram łasosia, 300 łobstaraŭ, a elitnaje šampanskaje liłosia rakoj.

Siarod haściej byli nie tolki dzieci, ale i ŭnuki žanicha. 25‑hadovaja niaviesta pryjechała na karecie, a jaje maleńkija syny kidali maci pad nohi kvietki.

Fota z sajta Eva.bg

Darečy, mienavita na Sien-Martenie siamja i asieła. Treba adznačyć, što Azkan u svoj čas źjechaŭ z Turcyi praz padatkovy doŭh. Užo praz hady dziakujučy prahramie padatkovaj amnistyi zmoh pahasić usio ŭ rasterminoŭku i atrymaŭ mahčymaść viartacca na radzimu.

Biznesmien adkryŭ šmat kazino ŭ roznych haradach i krainach — u Biełarusi heta było kazino Princess.

Kaciaryna śćviardžała, što kachańnie z roźnicaj u 40 hadoŭ jaje nie zasmučała. Maŭlaŭ, Sudzi byŭ spartyŭnym, viasiołym i ščodrym. 

Užo ŭ šlubie ŭ pary naradziłasia dačka. Ale ŭ 2011 hodzie pra siamju Kaciaryny i Sudzi znoŭ pačali pisać suśvietnyja ŚMI. Śćviardžałasia, što biznesmien padaŭ na razvod. 

U intervju «Kamsamolskaj praŭdzie» 71‑hadovy mužčyna kazaŭ, što biełaruska raźbiła jamu serca i vielmi mocna pakryŭdziła. Tady jon pryjechaŭ u Minsk u svoj hatel i žyŭ u samym šykoŭnym numary.

Abiacaŭ, što nie pakinie biełaruskuju žonku ni z čym: «Ja kupiŭ joj šykoŭny dom i tut, u Biełarusi, i tam, na Sien-Martenie. Ja adkryŭ dla jaje i na vostravie, i ŭ Minsku SPA-sałony, jakimi Kacia lubiła zajmacca».

Nieruchomaść siamji na Sien-Martenie

Jon taksama raspaviadaŭ, što nabyŭ dla Kaciaryny pryvatny samalot, bo jana nie chacieła latać na zvyčajnym. Dziakujučy jamu baćki i siastra jaho žonki mieli dobryja mašyny. A samoj Kaciarynie muž, pa jaho słovach, štohod davaŭ $2‑3 miljony.

Dziaciej biznesmien byŭ hatovy pakinuć z maci. Śćviardžaŭ, što daje na kožnaha pa $10 tysiač štomiesiac. Akramia hetaha, na aščadnych rachunkach dziaciej tady ŭžo sabrałasia $3 miljony.

Kaciaryna Šulkievič ź dziećmi

Kab ujavić pamiery doma na Sien-Martenie: pa słovach Sudzi, tolki na apłatu elektryčnaści štomiesiac išło $25 tysiač. A absłuhoŭvali asabniak 33 čałavieki.

U čym ža była kryŭda Sudzi na žonku? Jon kazaŭ, što dvojčy nadoŭha — miesiacy na čatyry — źjazdžaŭ u Makiedoniju, dzie adkryvaŭ čarhovy hatel. U toj čas u Kaciaryny źjavilisia novyja siabroŭki i jany razam pačali chadzić u kłuby.

Pa słovach mužčyny, žonka skazała jamu, što choča być niezaležnaj i volnaj — a jon adkazaŭ, što takoje mahčyma tolki paśla razvodu. Nie padabałasia jamu i toje, što Kaciaryna pačała zdymacca dla roznych časopisaŭ, publikavać svaje fota ŭ internecie — a muž-musulmanin nie nadta chacieŭ, kab jaho žonku-pryhažuniu bačyła šmat inšych mužčyn. U apošni momant jon daviedaŭsia pra toje, što jana choča ŭdzielničać u konkursie pryhažości — i zabaraniŭ. 

«Ja nie baču sensu ŭ prymireńni. Kali b ja moh stać biełarusam i ŭsprymać śviet z hetaj mientalnaściu, to, mahčyma, ja b i daravaŭ žoncy. Ale ja musulmanin i ničoha nie mahu z hetym zrabić. Hetaja kryŭda žyvie hłyboka ŭva mnie».

Azkan byŭ upeŭnieny, što atrymaje razvod praź piać‑šeść miesiacaŭ. Płanavaŭ žyć u svaich hatelach u Biełarusi i Turcyi.

Ale ž Kaciaryna ŭ intervju ŭ 2017 hodzie śćviardžała, što nasamreč nijakaha razvodu nie adbyłosia, choć i pryznavała, što žyvie nie razam z mužam (prynamsi, bolšuju častku času).

A ŭžo ŭ 2018 hodzie padkreślivała, što za apošnija hady pieratvaryłasia ŭ bolš spakojnaha, razvažlivaha čałavieka. Navučyłasia daravać i davać šancy. I navat adznačała: «Tamu ŭ nas z mužam vielmi dobryja adnosiny i pa siońnia». 

Pa słovach Kaciaryny, muž usio ž zrazumieŭ, što žonka maje talent i joj nieabchodna raźvićcio — staŭ spakojna stavicca da jaje biznesu (biełaruska tady zajmałasia pastaŭkami karysnaj ježy na vostravie).

Jana razvažała pra mocnyja šluby: «A časam treba prosta trošački paciarpieć — i ŭsio stanie na svaje miescy. Moža, hod, moža, dva, u maim vypadku było bolš. Kali ludzi kachajuć adno adnaho, niachaj navat niechta sarvaŭsia, nie treba dać upaści z abryvu całkam. Treba za miezienčyk, ale ŭtrymać».

Kaciaryna Šulkievič z mužam i dziećmi

Na pytańnie pra toje, ci na paŭzie ich adnosiny z mužam, Kaciaryna adkazała admoŭna. Maŭlaŭ, u ich zaŭsiody evalucyja — zasiarodzilisia na dzieciach i stała ŭsio tolki lepš.

«Adnosiny pierajšli ŭ fazu «baćkoŭskija». Viedajecie, samaje vialikaje majo bahaćcie — karotkaja pamiać. I mnie nie treba nijakich prabačeńniaŭ. Žančyny z karotkaj pamiaćciu — samyja ščaślivyja na śviecie».

Sioleta ŭ kastryčniku Sudzi Azkan pamior — jamu było 87 hadoŭ. Paśla śmierci vyśvietliłasia, što «karol kazino» pakinuŭ svaju biznes-impieryju nie dzieciam, a śpiecyjalnamu fondu. 

Pavodle tureckaha vydańnia Patronlar Dünyası, fond byŭ stvorany prykładna za hod da śmierci biznesmiena. U jaho kiraŭnictva ŭvajšli advakat tureckaha pachodžańnia sa šviejcarskim hramadzianstvam i dvoje šmathadovych supracoŭnikaŭ Azkana.

Nichto z šaściarych dziaciej miljardera ad dvuch šlubaŭ nie atrymaŭ miesca ŭ kiraŭnictvie fondu.

Pry hetym častka biznesu, u tym liku hateli i kazino ŭ Bałharyi i hruzinskim Batumi, zastałasia pa-za miežami novaj struktury.

Pra rašeńnie baćki svajaki daviedalisia tolki paśla jaho pachavańnia, padčas sustrečy z advakatam.

Što ciapier budzie sa spadčynaj miljardera i ci atrymajuć jaho dzieci častku šmatmiljonnaj impieryi, pakul nieviadoma. Hałoŭnaje pytańnie — chto budzie atrymlivać prybytak ad biznesu (sam fond, naščadki abo niejkija inšyja asoby), bo kiravańnie fondam jašče nie aznačaje asabistaha ŭładańnia jaho aktyvami. 

U Minsku sa spadčyny Azkana zastaŭsia hatel Crowne Plaza i kazino Princess.

Kamientary28

  • Indrid Cold
    18.11.2026
    Kali jość mozh - pradavać zaraz usio ŭ Biełarusi i źjazdžać. Łukašysty, pračytaŭšy hety artykuł zachočuć svoj kavałačak atrymać (100%). Spakojna žyć nie atrymajecca.
  • Ech
    18.11.2026
    Škada Kaciarynu. Usiu maładość na dzieda prasrała, dyk toj jašče i biez spadčyny pakinuŭ. Spadziajusia, jana ŭsio ž znajšła sabie niejkaha 18-hadovaha sadoŭnika ci čyścilščyka basiejnaŭ
  • Niabačnaja praca
    18.11.2026
    Zrazumieła, što jon byŭ vypadkovym čałaviekam, a ŭsiaho dasiahnuła mienavita jany - biełaruskaja Žančyna!

Ciapier čytajuć

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim

Usie naviny →
Usie naviny

Pierastaŭ pracavać pablik «Biełaruskaja turma» ŭ sacyjalnaj sietcy «UKantakcie»1

Palčys adkazaŭ na pretenziju — «čamu narod vadzili pa praśpiektach» u 2020‑m61

Cichanoŭski z Karač zhienieravali 50‑staronkavy «manitorynh» dziejnaści «Našaj Nivy». Što ź im nie tak?43

Fond Tałaja, što vinavaciać u rusifikacyi ŭkrainskich dziaciej, stvaraje centr pad Barysavam3

«Na 90% padtrymali nastaŭniki, a adnakłaśniki nie acanili». Dziaŭčyna raskazała, jak pierajšła na biełaruskuju movu20

U Hrodzienskim zaaparku naradziłasia dziciania mini-alenia — jaho vyratavała kaza4

Suzasnavalnik Telegram Mikałaj Duraŭ upieršyniu ažaniŭsia. Jaho žonka moža być źviazanaja z rasijskimi śpiecsłužbami18

«Pracavaŭ u dalnaboi bolš za 20 hadoŭ». Što viadoma pra zahinułaha ŭ strašnym DTZ u subotu pad Starymi Darohami kiroŭcu hruzavika?2

Pamierła partyzanka Kłaŭdzija Siarhiejeva. Joj było 98 hadoŭ4

bolš čytanych navin
bolš łajkanych navin

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim

Hałoŭnaje
Usie naviny →

Zaŭvaha:

 

 

 

 

Zakryć Paviedamić