Biełaruskija chlebapioki razam z navukoŭcami raspracoŭvajuć technałohii, jakija dazvolać pavialičyć termin zachoŭvańnia chleba i chlebabułačnych vyrabaŭ da troch-šaści miesiacaŭ. Pra novyja raspracoŭki paviedamiła namieśnica načalnika hałoŭnaha ŭpraŭleńnia pierapracoŭčaj pramysłovaści Minsielhascharča Iryna Barancevič.

Siarod technałohij, nad jakimi pracujuć śpiecyjalisty, — zamarožvańnie chlebabułačnych vyrabaŭ, adnastupiennaja i dvuchstupiennaja ciepłavaja sterylizacyja, sterylizacyja śpirtam, a taksama vykarystańnie madyfikavanaha hazavaha asiarodździa.
Pavodle Iryny Barancevič, hetyja mietady dazvalajuć pavialičyć termin prydatnaści pradukcyi da troch-šaści miesiacaŭ. Heta moža być asabliva cikava dla ekspartu na zamiežnyja rynki.
Pry hetym unutrany rynak Biełarusi całkam zabiaśpiečany chlebam i chlebabułačnymi vyrabami ŭ šyrokim asartymiencie. Ich vypuskajuć pradpryjemstvy sistemy Minsielhascharča, piakarni i zavody Biełkaapsajuza ŭ rajonnych centrach, a taksama šeść vytvorčych placovak «Minskchlebprama».
Ułasnuju vytvorčaść chlebabułačnaj pradukcyi aktyŭna raźvivajuć i handlovyja sietki.
Niahledziačy na ŭkaranieńnie novych technałohij, biełaruskija vytvorcy imknucca zachoŭvać tradycyjnyja sposaby vypiakańnia. Pavodle słoŭ pradstaŭnicy Minsielhascharča, u 99% vypadkaŭ udałosia zachavać naturalnyja pracesy zakisańnia i vykarystańnie zakvaski.
Iryna Barancevič padkreśliła, što biełaruski chleb zastajecca adnym z paznavalnych nacyjanalnych praduktaŭ. Mnohija ludzi, źjazdžajučy ź Biełarusi, biaruć z saboj u jakaści suvienira mienavita biełaruski zavarny chleb.
Łukašenka patrabuje adkryvać u sielskaj miascovaści mini-piakarni sa śviežym chlebam
Dla karavaj-festu ŭ Śvisłačy śpiakli karavaj vahoj 150 kiłahramaŭ FOTAFAKT
«Možna nabyć i ananasy, i butelečku IPA». Biełarusy ŭ zachapleńni ad asartymientu aŭtałaŭki
«Vodar» i «Smačny»: na ŭpakoŭkach pišuć, što na zakvascy, a jany na draždžach
Kamientary