Sabalenka ŭnieśli ŭ bazu «Miratvorca» paśla skandału na matčy z ukrainkaj Śvitolinaj
Ukrainski sajt abvinavaciŭ biełaruskuju tenisistku ŭ raspalvańni varožaści i padtrymcy rasijskaj ahresii. Nahodaj stała videa jaje emacyjnaj reakcyi padčas matča z Elinaj Śvitolinaj. Sama Aryna Sabalenka zajaviła, što jaje słovy adrasavalisia hledačam, jakija ahresiŭna radavalisia jaje pamyłkam, i paprasiła prabačeńnia.
Kartka Aryny Sabalenka źjaviłasia na sajcie «Miratvorac» uviečary 14 listapada. Jaje aŭtary prypisvajuć tenisistcy «padbuchtorvańnie mižetničnaj i mižkanfiesijnaj varožaści», «udzieł u aktach humanitarnaj ahresii suprać Ukrainy» i «publičnuju padtrymku rasijskaj ahresii i zabojstvaŭ hramadzian Ukrainy».
U jakaści abhruntavańnia jany pryvodziać videa z matča Sabalenki suprać ukrainki Eliny Śvitolinaj na Vynikovym turniry WTA. Biełaruska prajhrała ź likam 3:6, 6:3, 1:6.
Paśla adnaho ź niaŭdałych rozyhryšaŭ Sabalenka emacyjna vykazałasia. Na tranślacyi jaje hołasu nie čuvać, ale pa ruchach vusnaŭ karystalniki pasprabavali rasčytać niecenzurnuju frazu. Jaje ŭspryniali jak abrazu ŭ adras ukrainskaj supiernicy.
Sabalenka paźniej apublikavała tłumačeńnie ŭ instahramie.
«Moj kamientaryj nie byŭ adrasavany Elinie. Mianie razzłavała nievialikaja hrupa hledačoŭ, jakaja ahresiŭna radavałasia maim pamyłkam, i ŭ toj momant ja adreahavała emacyjna», — napisała tenisistka.
Jana pryznała, što musiła inakš spravicca sa svaim rasčaravańniem.
«Ja prašu prabačeńnia va ŭsich, kaho pakryŭdziła. Elina praviała vydatny matč, i ja žadaju joj usiaho najlepšaha ŭ astatniaj častcy turniru», — dadała Sabalenka.
U kartcy «Miratvorca» taksama zhadvajuć podpis Sabalenka pad praŭładnym zvarotam biełaruskich spartsmienaŭ u 2020 hodzie i prysutnaść na zapisie navahodniaha zvarotu Łukašenki ŭ kancy taho ž hoda.
«Miratvorac» — ukrainski niedziaržaŭny prajekt, stvorany ŭ 2014 hodzie. Jon publikuje źviestki pra ludziej, jakich ličyć datyčnymi da dziejańniaŭ suprać nacyjanalnaj biaśpieki Ukrainy. Uniasieńnie ŭ hetuju bazu samo pa sabie nie aznačaje zaviadzieńnia kryminalnaj spravy.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6464
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi64
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ55
Kamientary