Biełarus paŭnavartasna paabiedaŭ u restaranie ŭsiaho za 4 rubli. Dzie takoje miesca?
Žychar Minska paabiedaŭ u restaranie ŭ Biarozie ŭsiaho za 3 rubli 92 kapiejki. Za hetyja hrošy jon atrymaŭ paŭnavartasny abied ź niekalkich straŭ i napoju, piša Tochka.by.

Mužčyna pa imieni Alaksiej raskazaŭ pra svoj dośvied u Threads i apublikavaŭ fatahrafii ježy i ček. U abied uvajšli bulbiany sup z fasolaj za 29 kapiejek, hračanaja kaša za 48 kapiejek, piačonka pa-strohanaŭsku za 1 rubiel 88 kapiejek, sałata «Zachapleńnie» za 30 kapiejek, tamatny sok za 86 kapiejek i baton za 11 kapiejek.

Svoj abied Alaksiej acaniŭ na vosiem bałaŭ ź dziesiaci. Jon zastaŭsia zadavoleny nie tolki ježaj, ale i absłuhoŭvańniem, adznačyŭšy, što jano było na vysokim uzroŭni i pakidać haściniec nie spatrebiłasia.

Publikacyja vyklikała aktyŭnaje abmierkavańnie. Karystalniki cikavilisia, dzie znachodzicca restaracyja z takimi nizkimi cenami. Adzin ź ich vykazaŭ zdahadku, što havorka idzie pra ŭstanovu «U Vasila», i Alaksiej paćvierdziŭ heta.

Mierkavańni nakont abiedu i jaho koštu padzialilisia. Niekatoryja kamientatary sumniavalisia, što takaja cana moža kampiensavać sabiekošt straŭ, inšyja nie vieryli ŭ mahčymaść paabiedać za čatyry rubli. Častka karystalnikaŭ chvaliła ceny i ježu, a niekatoryja zaŭvažali, što porcyi supu i sałaty, na ich pohlad, mahli być zanadta małymi. Adnaja z naviednic nazvała tušanyja buraki ŭ hetaj ustanovie svajoj lubimaj stravaj.
Pajšła ŭ bankructva sietka kulinarnych kram «Ucha iz pietucha»
«Nie zmahli paabiedać nidzie! Turystyčnaje miesca!» Biełaruska nie zmahła nidzie ŭ Miry pajeści
Minčuk paabiedaŭ u restaranie i zapłaciŭ 98 rubloŭ
«Bulbianyja» — jaki brend zahubili! Voś što tam hatavali i što ŭspaminali pra ich Uładzimir Vysocki i staršynia KDB
Kamientary