Śviet

U dzień vizitu Pucina Kitaj uvioŭ abmiežavańni na pastaŭki ŭ Rasiju kampanientaŭ dla «Šachiedaŭ»

Kitaj uvioŭ abmiežavańni na ekspart u Rasiju kampanientaŭ dla bieśpiłotnikaŭ, jakija vykarystoŭvajucca pry vytvorčaści i kiravańni dronami typu «Šachied». Adpaviednaje rašeńnie Ministerstva handlu KNR №49 nabyło moc 18 listapada — u dzień pryjezdu Uładzimira Pucina ŭ Šeńdžeń dla sustrečy z kiraŭnikom Kitaja Si Dzińpinam i prezidentam ZŠA Donaldam Trampam, piša The Moscow Times.

Uładzimir Pucin i Si Dzińpin. Fota: Sergei Bobylev / Kremlin Pool Photo via AP

Pad ekspartny kantrol ciapier trapili reaktyŭnyja ruchaviki ź ciahaj bolšaj za 400 ńjutanaŭ, inšyja ruchaviki dla bieśpiłotnikaŭ mahutnaściu zvyš 16 kiłavat, a taksama radyjomoduli mahutnaściu ad 30 dBm, jakija dazvalajuć kiravać bolš čym dziesiaćciu dronami. Abmiežavańni zakranajuć taksama rehulatary chutkaści i bieskalektarnyja elektraruchaviki. Ich ekspart ciapier patrabuje dazvołu Ministerstva handlu Kitaja.

Hetyja kampanienty vykarystoŭvajucca, u pryvatnaści, u «Šachiedach», vytvorčaść jakich Rasija naładziła na zavodzie ŭ Ałabuzie ŭ Tatarstanie.

Upaŭnavažany prezidenta Ukrainy pa pytańniach sankcyjnaj palityki Uładzisłaŭ Ułasiuk padziakavaŭ Kitaju za novyja miery ekspartnaha kantrolu. Pavodle jaho słoŭ, ukrainskija ŭłady pieradali kitajskamu boku infarmacyju pra kampanienty kitajskaj vytvorčaści, jakija vykarystoŭvajucca ŭ rasijskim uzbrajeńni, i pradpryjemstvy, što ich vypuskajuć. Kijeŭ raźličvaje na strohaje vykanańnie novych abmiežavańniaŭ.

Pavodle raniejšych źviestak krynic Bloomberg, amal 90% krytyčna važnych kampanientaŭ i technałohij, pastaŭki jakich byli abmiežavanyja zachodnimi sankcyjami, Rasija ciapier atrymlivaje z Kitaja. Hodam raniej zaležnaść ad Piekina aceńvałasia ŭ 80%, niahledziačy na rasijskija prahramy impartazamiaščeńnia.

U Jeŭrasajuzie viedajuć pra rolu Kitaja ŭ zabieśpiačeńni Rasii technałohijami padvojnaha pryznačeńnia i navat spadarožnikavaj raźviedvalnaj infarmacyjaj dla viadzieńnia vajny. Adnak jeŭrapiejskija krainy aścierahajucca ŭvodzić sankcyi suprać Piekina praz mahčymyja miery ŭ adkaz.

Pry hetym, pa słovach Uładzisłava Ułasiuka, niekatoryja važnyja kampanienty nie trapili pad kitajski ekspartny kantrol. Siarod ich — anteny CRPA, jakija abaraniajuć bieśpiłotniki ad radyjopieraškod, navihacyjnyja moduli, anteny HARXON, kamiery na padviesach i siervapryvady.

Kamientary

Ciapier čytajuć

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał13

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał

Usie naviny →
Usie naviny

Stvaralnik Claude pryciahnuŭ rekordnyja 81,3 miljarda dalaraŭ pry vychadzie na biržu

Uładzimir Mackievič: Piensii ŭ Litvie ŭ mianie niama8

Kavaler źbieh sa spatkańnia, nie zapłaciŭšy za viačeru. Ci pavinna dziaŭčyna apłačvać uvieś rachunak?11

U Kobrynie kaviarniu aformili ŭ «sučasnym biełaruskim styli» — namalavali na ścianie dziaŭčynu ŭ kakošniku32

Tramp i Pucin abmiarkoŭvali vajnu va Ukrainie1

Infapunkty dla biełarusaŭ za miažoj stvorać u Vilni, Varšavie i Poznani. Kolki ŭ ich budzie supracoŭnikaŭ i chto stanie płacić zarobki?6

Ukraina treci raz z pačatku tydnia atakavała Krymski most1

Karcina Van Hoha pradadziena z aŭkcyjonu za rekordnyja 190,4 miljona dalaraŭ2

Jak zhulać u GTA 6, kali žyvieš u Biełarusi3

bolš čytanych navin
bolš łajkanych navin

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał13

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał

Hałoŭnaje
Usie naviny →

Zaŭvaha:

 

 

 

 

Zakryć Paviedamić