U Kobrynie kaviarniu aformili ŭ «sučasnym biełaruskim styli» — namalavali na ścianie dziaŭčynu ŭ kakošniku
Kaviarnia «Zavaryli» pobač z biełaruskimi słovami na ścianie raźmiaściła dziaŭčynu ŭ kakošniku. Maŭlaŭ, mienavita tak vyhladaje sučasnaja biełaruska, jakaja prychodzić pa kavu zranku.

Novaja miesca — kaviarnia «Zavaryli» — adkryłasia ŭ Kobrynie naprykancy vieraśnia. Niadaŭna tudy zavitaŭ praŭładny błohier PałVanyč — navat u jaho źjavilisia pytańni nakont dyzajnu pamiaškańnia.
Jak tolki naviedvalnik zachodzić u kaviarniu, jon bačyć na ścianie słovy na biełaruskaj movie: «Cišynia. Pavaha. Kava». A pobač ź imi namalavana dziaŭčyna ź vialikimi čyrvonymi vusnami, soniečnymi akularami dy ŭ kakošniku. Na inšych ścienach možna pabačyć biełaruski arnamient.

PałVanyč pacikaviŭsia va ŭłaśnicy kaviarni Marharyty Klimuk pra takija dyzajnierskija rašeńni. I voś što jana adkazała:
«My vielmi chacieli ŭnieści ŭ našu kaviarniu notku takoha biełaruskaha stylu. Ciapier heta modna. Kab moładź usio ž nie zabyvałasia, kab heta było troški stylova, z uchiłam na biełaruskuju, ale taksama kab nie pierabrać. Sučasnaje takoje miesca».

Błohier vykazaŭ zdahadku, što dziaŭčyna ŭ kakošniku — heta vyjava sučasnaj biełaruski, jakaja pa ranicach chodzić na kavu. Marharyta heta paćvierdziła.
U sacsietkach ludzi ŭžo pytajucca, jakoje dačynieńnie maje kakošnik da Biełarusi. Kaviarnia sprabuje roznyja arhumienty, naprykład, što napraŭdu jany imknulisia prytrymlivacca ŭschodniesłavianskaha stylu.
Tym časam užo niechta žartuje, što nasamreč kaviarnia aryjentavana na turystaŭ z Rasii i panienka na ścianie pa-biełarusku zaklikaje ich pavodzić siabie prystojna.
Na kancert Kadyšavaj u Minsku ŭ kakošnikach pryjšli navat mužčyny
Biełaruska, jakaja vyrablaje broški ŭ vyhladzie dziaŭčat z čyrvona-zialonymi kakošnikami, ščyra nie razumieje, čamu jaje krytykujuć
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Kamientary