Dziesiać dzion u piacizorkavym hateli na štučnym vostravie Pałm-Džumiejra, numar z bałkonam i łožkam kinh-sajz. Jak adpačyła siamja Viktoryi Dziatłavaj (Łukašenki), vyśvietliła «Biuro». Vydańnie taksama daviedałasia imia pieršaha praŭnuka Łukašenki: jaho zavuć Ivan, ciapier jamu čatyry hady.

Siamja ŭnučki Alaksandra Łukašenki vybrała hatel W Dubai — The Palm na štučnym vostravie Pałm-Džumiejra. Dźmitryj Dziatłaŭ zabraniravaŭ tur u kancy žniŭnia 2025 hoda i apłaciŭ jaho dvuma pieravodami.

U košt uvachodzili pieralot ź Minska ŭ Dubaj i nazad, pražyvańnie z 8 pa 18 kastryčnika i dvuchrazovaje charčavańnie.
Dziatłavy zabraniravali numar Wonderful płoščaj 50 kvadratnych mietraŭ ź vialikim łožkam i bałkonam.
U hateli jość ułasny piasčany plaž, basiejny, bar u basiejnie, džakuzi, spa i trenažornaja zała. Taksama tam pracuje restaran Akira Back, zhadany ŭ hidzie «Mišlen».
Kampaniju na adpačynku siamji Dziatłavych skłali siabry.

Pucioŭka była aformlenaja na dvuch darosłych i dzicia. Pavodle infarmacyi «Biuro», syna Dziatłavych — pieršaha praŭnuka Łukašenki — zavuć Ivan, ciapier jamu čatyry hady.
Viktoryja Dziatłava ŭ 2022 hodzie pajšła ŭ dekretny adpačynak, a ŭ lutym 2024‑ha vyjšła na pracu ŭ MZS, dzie atrymała pasadu druhoj sakratarki.
Jaje muž, pavodle rasśledavańnia «Biuro», pracuje ŭ strukturach rybnaha chołdynha «Marskija siezony» Ludmiły Niaronskaj — siabroŭki siamji starejšaha syna Łukašenki — Viktara.
Kamientary