48‑hadovaha aŭtamalara z Haradka asudzili da kałonii. Mierkavana, za kamientaryi ŭ padtrymku Ukrainy
Ihara Pankova kinuli za kraty za «raspalvańnie varožaści» i «abrazu Łukašenki». Mužčynu pryznačyli paŭtara hoda kałonii.

Iharu Pankovu 48 hadoŭ. Jon žychar Haradka Viciebskaj vobłaści.
Mužčyna pracavaŭ aŭtaślesaram. Mieŭ status indyvidualnaha pradprymalnika i bolš za 10 hadoŭ zajmaŭsia kuzaŭnym ramontam i afarboŭkaj aŭtamabilaŭ va ŭłasnym haražy.
Ihar cikaviŭsia aŭtamabilami i rybałkaj.
Apošnija jaho paviedamleńni ŭ adkrytych čatach datujucca 24 listapada 2025 hoda.
Ihara aryštavali nie paźniej za maj 2026 hoda i ŭtrymlivali ŭ SIZA №1 u Kaladzičach. Jaho sudzili pavodle dvuch artykułaŭ Kryminalnaha kodeksa: č. 1 art. 130 («raspalvańnie inšaj sacyjalnaj varožaści») i art. 368 («abraza Łukašenki»). Chutčej za ŭsio, nahodaj dla spravy stali mienavita jahonyja dopisy ŭ telehramie ŭ padtrymku Ukrainy.
U žniŭni 2026 hoda sud pryznačyŭ Pankovu 1 hod i 6 miesiacaŭ kałonii ahulnaha režymu. Paśla taho jak u kastryčniku prysud nabyŭ zakonnuju siłu, KDB unios mužčynu ŭ śpis «terarystaŭ», praz što jon pazbaŭleny mahčymaści atrymlivać hrašovyja pieravody.
«Viasna» pryznała Pankova palitviaźniem.
«Naša Niva» — bastyjon biełaruščyny
PADTRYMAĆ
Kamientary