Juškievič: Adnojčy mnie prapanavali: «Adno słova pa-polsku — 5 sutak ŠIZA. Ryzyknieš?»
Były palitviazień Jaŭhien Juškievič z nahody dvuch miesiacaŭ sa svajho vyzvaleńnia ŭ sacsietkach adkazaŭ na zadadzienyja jamu pierad tym pytańni asabistaha charaktaru — što ciapier ź jahonymi sabakami i byłoj dziaŭčynaj, a taksama što ŭ kałonii jamu zabaraniałasia i pra što jon maryŭ.

Sabaki
Chaski žyŭ z baćkami i pamior ad staraści ŭ lipieni 2026‑ha — raźminulisia na 2 miesiacy. Heta było rajskaje žyćcio dla sabaki: biehać pa 30 km u lasach, dla niečaha zabivać susiedskich kurej i davodzić da šalenstva ŭsich navokał. Dratchaara Chanta (karyčnievy) addali paśla zatrymańnia ŭ 2021‑m dobramu haspadaru, dzie jaho lubiać i pieściać. Jon žyvie na voli i dla niečaha zabivaje susiedskich… katoŭ. Kali paśla vyzvaleńnia hladzieŭ pieršaje videa ź im, vočy zaślazilisia krychu, tak. Byŭ niaśmiełym 35‑kiłahramovym ščaniukom, a ciapier sapraŭdny vajar sa stomlenymi vačyma.

Navošta viarnuŭsia
Šmat ludziej viedaje — viarnuŭsia ŭ asnoŭnym praź jaje. Heta było prydurkavataściu i advahaj, jak skazała Sofja Sapieha na dopycie ŭ KDB. U maim kole mnie dali značna bolš «cikavych» apisańniaŭ, ale heta była vosień 2020-ha, i ŭsio tady było inakš. Da taho ž tady mnie stała soramna, što ja bolš nie chadžu hetymi vulicami z ryzykaj sieści, pakul inšyja chodziać.
I ciapier mahu tolki skazać vielizarnaje joj (nie Sofji) dziakuj za toje, jak mianie abaraniała. Našmat bolš, čym ja zasłuhoŭvaŭ. A ja sprabavaŭ z turmy dapamahčy ŭ samym patrebnym dla jaje budučaha žyćcia, i niešta navat atrymałasia. A potym sam abrezaŭ hetyja parašutnyja stropy nad hałavoj.
U jaje daŭno ŭžo novaje proźvišča, i ŭžo bolš za try hady niama nijakaj suviazi, naohuł. Ščaślivy finał dla mianie tady vyhladaŭ mienavita tak, i jon zdaryŭsia. Choć ciapier heta ŭžo pazaminułaje žyćcio, ja ŭdziačny i ŭspaminaju tolki dobraje.
Što zabaraniali
Šmat čaho, ale samaje dziŭnaje i ciapier mnie patrebnaje — polskaja mova. Adčuvańnie, što ŭ niejki momant u kałonii zachoŭvać padručnik polskaj movy było bolš niebiaśpiečna, čym nievialiki supraćtankavy hranatamiot.
Adnojčy mnie prapanavali: «Adno słova pa-polsku — 5 sutak ŠIZA. Ryzyknieš?». Usie (i maje asabistyja) padručniki polskaj u kałonii ŭ samym pačatku hetaj kampanii prosta zabrali i spalili, a ich było šmat. A kali my abmiarkoŭvali knihi amierykanskaha niejrabijołaha Robierta Sapolski, stukačy biehli z danosami, što «bečary vučać polskuju».
Navošta ŭsio heta? Ja nie razumieju. Tak, spalvali. Padručniki. Polskaj. A potym sami ž vyvieźli ŭ Jeŭropu.
Pra što maryŭ
Adrazu paśla vychadu pasiadzieć kala kamina i pasłuchać džazavy Coltrane — Say it. Roŭna tak i zdaryłasia ŭ žyćci.
Były śledčy Juškievič: Sapieha małajčyna. Pavodziła siabie bolš hodna za taho, chto pakazvaŭ siabie hetkim mača
«Prosta za*bała ŭsio heta». Juškievič raskazaŭ pra matyvacyju eks-padpałkoŭnika KDB, jaki źliŭ telefonnyja razmovy pra śmierć Ramana Bandarenki
Juškievič viarnuŭsia ŭ sacsietki: Prosta ašałomleny ŭzroŭniem padtrymki i salidarnaści. I pažartavaŭ pra niazručnaść ź dziaŭčatami
Kamientary