Školnikaŭ i studentaŭ pa-novamu buduć raźmiarkoŭvać na hrupy pa fizkultury
U Biełarusi abnavili praviły, pavodle jakich vučniaŭ i studentaŭ raźmiarkoŭvajuć na hrupy dla zaniatkaŭ fizičnaj kulturaj.

Zaraz pry hetym buduć uličvać, ci jość u čałavieka parušeńni zdaroŭja i nakolki mocna jany ŭpłyvajuć na pracu arhanizmu. Usiaho praduhledžana čatyry hrupy, piša Onliner.by.
Asnoŭnaja hrupa — dla vučniaŭ i studentaŭ biez adchileńniaŭ u stanie zdaroŭja, a taksama z takimi parušeńniami, jakija nie ŭpłyvajuć na pracu orhanaŭ i sistem arhanizma. Jany mohuć zajmacca fizkulturaj u poŭnym abjomie, zdavać narmatyvy, naviedvać spartyŭnyja siekcyi i ŭdzielničać u spabornictvach.
Padrychtoŭčaja hrupa — dla tych, chto adnaŭlajecca paśla vostraha zachvorvańnia, a taksama dla navučencaŭ z chraničnymi zachvorvańniami, pry jakich parušeńni funkcyj arhanizma niaznačnyja abo adsutničajuć. Jany zajmajucca i zdajuć narmatyvy pavodle rekamiendacyj lekara. Da zaniatkaŭ u spartyŭnych siekcyjach i ŭdziełu ŭ spabornictvach ich dapuskajuć indyvidualna, paśla dadatkovaha miedycynskaha ahladu.
Śpiecyjalnaja miedycynskaja hrupa — dla navučencaŭ z chraničnymi zachvorvańniami, pry jakich funkcyi arhanizma parušanyja nie całkam, a taksama dla tych, u kaho paśla vostraha zachvorvańnia zastalisia lohkija parušeńni.
Hrupa ŁFK — dla navučencaŭ z chraničnymi zachvorvańniami, pry jakich funkcyi arhanizma značna parušanyja, a taksama dla tych, u kaho paśla vostraha zachvorvańnia ŭźnikli ŭmieranyja abo vyjaŭlenyja parušeńni.
Asobnaje praviła datyčycca junakoŭ va ŭzroście 17—18 hadoŭ i starejšych za 18 hadoŭ. Kali pavodle stanu zdaroŭja padčas prypiski da pryzyŭnoha ŭčastka abo pryzyvu ich mohuć pryznać prydatnymi da vajennaj słužby ci prydatnymi ź niaznačnymi abmiežavańniami, u śpiecyjalnuju miedycynskuju hrupu i hrupu ŁFK ich nakiroŭvać nie buduć.
Hetaja miera nieabchodnaja dla pavyšeńnia ŭzroŭniu fizičnaj padrychtavanaści budučych pryzyŭnikoŭ.
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary