U Minsku daterminova zakryli animalistyčnuju vystavu. Pryčyna moža być u asobnych mastakach
U kulturnych kołach źviartajuć uvahu na toje, što siarod ekspanientaŭ pa papiarednich śpisach apynułasia šmat mastakoŭ, jakich raniej nie dapuskali da ŭdziełu ŭ vystavačnych prajektach.

U Minsku spyniła pracu animalistyčnaja vystava «Zooart II. Mastactva na łapach», jakaja prachodziła ŭ Mastackaj halerei Michaiła Savickaha. Na afišnych servisach kartka padziei atrymała paznaku «Admiena», paviedamlaje Reform.news.
Prajekt adkryŭsia 4 listapada i pieršapačatkova pavinien byŭ pracavać da 29 listapada. Ale vystavu zakryli ŭžo 12 listapada — jana prapracavała krychu bolš za tydzień.

Aficyjnyja pryčyny daterminovaha spynieńnia ekspazicyi nie paviedamlajucca.
Razam z tym u kulturnych kołach źviartajuć uvahu na toje, što siarod ekspanientaŭ pa papiarednich śpisach apynułasia šmat mastakoŭ, jakich raniej nie dapuskali da ŭdziełu ŭ vystavačnych prajektach. Nie vyklučana, što kiraŭnictva Muzieja historyi horada Minska, u skład jakoha ŭvachodzić halereja Michaiła Savickaha, vyrašyła pierastrachavacca.
U sacsietkach ustanovy źjaviłasia paznaka, što prajekt spynieny pa techničnych pryčynach.

Ekspazicyju padrychtavali siekcyi skulptury, dekaratyŭna-prykładnoha mastactva i hrafiki Biełaruskaha sajuza mastakoŭ — ahułam u joj było pradstaŭlena kala 160 rabot. «Zooart II» staŭ praciaham animalistyčnaha prajekta biełaruskich mastakoŭ, dzie aŭtary praz roznyja materyjały i techniki daśledujuć vobrazy žyvioł i ŭzajemaadnosiny čałavieka z pryrodaj.

-
U Homielskim maładziožnym teatry Karatkieviča pakazvajuć pa-rusku
-
Pieravydadziena kniha Siarhieja Navumčyka «Siem hadoŭ Adradžeńnia albo Frahmienty najnoŭšaj biełaruskaj historyi (1988—1995)»
-
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary