Zialenski nazvaŭ 15 nasielenych punktaŭ dla evakuacyi ludziej pa prykładzie Alešak
Prezident Ukrainy paviedamiŭ, što abnoŭleny pieralik nasielenych punktaŭ užo pieradadzieny ŭ tym liku amierykanskamu boku.

Uładzimir Zialenski nazvaŭ 15 nasielenych punktaŭ na časova akupavanych terytoryjach Chiersonskaj i Zaparožskaj abłaściej, dla jakich Ukraina prapanuje arhanizavać humanitarnyja misii pa prykładzie evakuacyi z Alešak, piša «Ukrainskaja praŭda».
«My jašče raz udziačnyja pieršaj łedzi ZŠA za Aleški, za evakuacyju, razbłakiravańnie, evakuacyju našych ludziej, hramadzian Ukrainy.
My abmierkavali z hałoŭnakamandujučym USU Michaiłam Drapatym i siońnia jašče raz paćvierdzili śpis. My ź im padrabiazna pahavaryli pra hetyja humanitarnyja misii, pra kolkaść ludziej, jakich my možam evakuiravać, i pra toje, jakija napracoŭki ŭ nas jość», — skazaŭ Zialenski.
Prezident Ukrainy paviedamiŭ, što abnoŭleny pieralik nasielenych punktaŭ užo pieradadzieny ŭkrainskamu ambudsmienu i amierykanskamu boku.
U śpis uvajšli:
- Chiersonskaja vobłaść: Radziensk, Kastahryzava, Hołaja Prystań, Staraja Zburjeŭka, Novaja Zburjeŭka, Hładkaŭka, Vialikija Kapani, Kardašynka, Vialikaja Kardašynka.
- Zaparožskaja vobłaść: Majačka, Złatapol, Dnieprarudnaje, Kamienskaje, Vierchniaja Krynica, Vasiljeŭka.
Pieralik budzie abnaŭlacca pa miery ŭdakładnieńnia kolkaści ludziej i ich stanu ŭ nasielenych punktach na akupavanych terytoryjach.
Viasnoj 2026 hoda z-za rasijskaj błakady i teroru ŭ Aleškach i susiednich nasielenych punktach levabiarežža abvastryŭsia maštabny humanitarny kryzis i hoład siarod cyvilnaha nasielnictva. Z 27 kastryčnika da 22:59 1 listapada ŭ rajonie dziejničaŭ uzhodnieny režym cišyni. Achvotnych viarnucca va Ukrainu evakujavali vajenna-transpartnaj avijacyjaj praz terytoryju Rasii i Biełarusi, paśla čaho 31 kastryčnika jany prybyli na radzimu praz pamiežny punkt u Čarnihaŭskaj vobłaści.
Pieršaja łedzi ZŠA Miełanija Tramp zajaviła, što ŭ ramkach humanitarnaj misii padčas pieramirja ŭ Aleškach u Chiersonskaj vobłaści było evakujavana amal 800 čałaviek.
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary