Nieruchomaść

Jak vyhladaje elitny kłubny kvartał nulavych u Minsku

Kvatera ŭ im ciapier pradajecca za 900 tysiač dalaraŭ.

Fota: blisch.by

U cichim kutku Frunzienskaha rajona, prosta kala lesaparku, schavany zakryty kvartał małapaviarchovaj zabudovy siaredziny nulavych. Siarod bonusaŭ tutejšych kłubnych damoŭ — zakrytaja terytoryja, aŭtanomnaje hazavaje aciapleńnie, ciopłyja haražy i susiedstva z pryrodaj. Pra kvartał piša Realt.

Zakryty kvartał Miadźviežyna — adna z samych nietypovych łakacyj zachodniaj častki Minska. Kali susiednija vulicy Adzincova, Adojeŭskaha i Prytyckaha zabudavanyja zvyčajnymi šmatpaviarchovikami, to tut sfarmiravaŭsia svojeasablivy premijalny ankłaŭ. Kvartał utvaryli try vulicy: Utulnaja, Jarkoŭskaja i Pryvabnaja. U vyniku atrymaŭsia zakryty haradok, jaki składajecca z pryvatnych katedžaŭ i čatyroch małapaviarchovych damoŭ.

Usia terytoryja kvartała aharodžana płotam i znachodzicca pad kiravańniem tavarystva ŭłaśnikaŭ nieruchomaści «Miadźviežyna». Tut jość jak katedžy, tak i šmatkvaternyja damy. Niahledziačy na małuju paviarchovaść, jany abstalavany liftami — redkaja opcyja dla piacipaviarchovikaŭ taho času. Na leśvičnych placoŭkach tut raźmieščana pa dźvie kvatery, praduhledžany prastornyja choły.

Ź niezvyčajnaha — u kvaterach ustanoŭlena aŭtanomnaja sistema aciapleńnia (indyvidualnyja hazavyja katły), što dazvalaje žycharam nie zaležać ad siezonnych adklučeńniaŭ. Dla aŭtamabilaŭ uładkavany padziemnyja parkinhi i ciopłyja indyvidualnyja haražy prosta ŭ cokali, a taksama haściavyja parkoŭki ŭ dvary.

Vyšynia stolaŭ u damach varjirujecca ad 2,86 da 3 mietraŭ. U budynkach pradstaŭleny prastornyja troch– i čatyrochpakajovyja kvatery, a vierchnija ŭzroŭni (4—5 pavierchi) zajmajuć dvuchuzroŭnievyja pientchausy płoščaj bolš za 200 kvadrataŭ.

Ciapier tut pradajecca tolki adzin varyjant — dvuchuzroŭnievaja kvatera ŭ domie pa adrasie Utulnaja, 6. Hety małapaviarchovik była pabudavany ŭ 2006 hodzie i adnosicca da žylla pavyšanaj kamfortnaści.

Fota: realt.by

Ahulnaja płošča kvatery składaje 218 kvadratnych mietraŭ. Žyllo raźmiaščajecca na 4 paviersie i pradajecca razam z ułasnym haražom. U kvatery zrobleny dyzajnierski ramont. Płaniroŭka składajecca z kuchni-haścinaj, niekalkich spalniaŭ, troch sanvuzłoŭ i harderobnaj z pralniaj.

U vielizarnaj haścinaj — panaramnyja vokny z malaŭničym vidam na zialonuju parkavuju zonu. Na padłozie lažyć parkietnaja doška, a taksama italjanski kieramahranit z padahrevam.

Fota: realt.by

Na kuchni ŭbudavanaja mebla z bytavoj technikaj: varačnaja hazavaja panel, duchavaja šafa, vyciažka, mikrachvalevaja pieč, posudamyjnaja mašyna, dvuchkamierny chaładzilnik, a taksama abiedziennaja hrupa (stoł i kresły).

U adnoj sa spalniaŭ uładkavana zona rełaksu kala akna.

Pradajuć niezvyčajnuju kvateru za 2,7 miljona rubloŭ, abo za 901 tysiaču dalaraŭ.

Kamientary

Ciapier čytajuć

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie6

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie

Usie naviny →
Usie naviny

Ministr abarony Hiermanii zaklikaŭ jeŭrapiejcaŭ jechać da Pucina ŭ Maskvu9

USU vyzvalili 14 viosak na Charkaŭščynie. Apieracyja «Miadźviedžy kapkan» prachodziła ŭ režymie poŭnaj sakretnaści7

Pamior mastak Juryj Nieściaruk

U Ivana-Frankoŭskaj vobłaści rasijskaja rakieta prabiła dach doma, ale nie vybuchnuła FOTA

Pad antarktyčnymi ldami znajšli ślady hor, jakija dapamahli evalucyi

U Žłobinskim rajonie mašyna nalacieła na kania. Kiroŭcu daviałosia z sałona vyrazać2

Pucin zaklikaŭ ukraincaŭ pierachodzić «na pravilny bok historyi»11

Rabić vahony dla minskaha mietro znoŭ chočuć daručyć «Štadleru»6

«Biełtelekam» znoŭ abjaviŭ pra pavyšeńnie svaich taryfaŭ

bolš čytanych navin
bolš łajkanych navin

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie6

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie

Hałoŭnaje
Usie naviny →

Zaŭvaha:

 

 

 

 

Zakryć Paviedamić