У Pfizer заявілі, што іх COVID-вакцына эфектыўная і бяспечная для дзяцей 5-11 гадоў
Вынікі клінічнага даследавання паказалі, што вакцына выклікала імунны адказ у дзяцей ад 5 да 11 гадоў. А эфект ад прышчэпкі дзвюма дозамі Pfizer для дзяцей гэтага ўзросту такі ж, як і для людзей ад 16 да 25 гадоў. Пабочныя эфекты назіраюцца такія ж, як і ў старэйшай групы.
Пра гэта заявіла кампанія-вытворца прэпарата Pfizer/BioNTech, паведамляе Reuters.
Вытворцы плануюць прасіць дазвол на прышчэпку вакцынай дзяцей у ЗША і ў краінах Еўропы.
«Ад ліпеня колькасць выпадкаў захворвання на COVID-19 ў ЗША вырасла прыкладна на 240%, што павялічвае патрэбнасць у вакцынацыі.
Вынікі даследаванняў даюць магчымасць для атрымання дазволу на нашу вакцыну для дзяцей ад 5 да 11 гадоў, і мы плануем тэрмінова падаць іх ва ўпраўленне па харчаванні і медыкаментах ЗША і ў іншыя рэгулятарныя органы», — заявіў выканаўчы дырэктар Pfizer Альберт Бурла.
Чыноўнікі ведамства аховы здароўя ЗША лічаць, што рэгулятарныя органы могуць прыняць рашэнне аб тым, што прышчэпкі дзяцей малодшага ўзросту бяспечныя і эфектыўныя, на працягу трох тыдняў пасля таго, як вытворца падасць запыт на дазвол.
Вакцына Pfizer ўжо дазволена для дзяцей ва ўзросце 12 гадоў і старэйшых у многіх краінах, уключаючы ЗША.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»4
Каментары