Лукашэнка просіць у Расіі $2 мільярды «недарагіх грошай»: «мы родныя браты»
Пуцін узамен хоча беларускія прадпрыемствы.
Расія выдзеліць Беларусі крэдыт у $2 млрд пад мадэрнізацыю прадпрыемстваў. Аб гэтым расказаў сёння Аляксандр Лукашэнка ў час наведвання БДУІР.
Па яго словах, пра гэта ішла размова ў час яго нядаўняга візіту ў Расію. «18 і 19 снежня адбыліся перамовы ва ўрадзе Расіі і з прэзідэнтам Расіі па
— Калі я ім сказаў — аднаму і другому: вы падумайце, калі мы родныя браты, мы павінны дапамагаць у перыяд крызісу. Нам трэба пару мільярдаў даляраў крэдытаў, каб ажыццявіць мадэрнізацыю нашых прадпрыемстваў».
«Павінен сказаць, мяне гэта здзівіла, я кажу: можаце адказ сёння не даваць, вы падумайце.
Кажа: не, чаму, давайце канкрэтны спіс, але пажадана сумесных прадпрыемстваў.Гэта значыць, мы даем грошы, а вашы прадпрыемствы — пад мадэрнізацыю — і ствараем сумесныя прадпрыемствы. Я кажу: добра, але гэта адзін напрамак.
Але і для несумесных прадпрыемстваў нам таксама патрэбен $1 млрд. «, — распавёў Лукашэнка.
Паводле слоў Лукашэнкі, адмоўнага адказу на гэта ён не атрымаў. «Наадварот, кажуць: так, мы разгледзім, мы ў гэтай частцы дапаможам», — адзначыў Лукашэнка.
З расійскіх крыніц інфармацыі пра гэты крэдыт пакуль не было.
З ягоных атрыманнем агульная замежная запазычанасць Беларусі, імаверна, перавысіць 35 мільярдаў даляраў.
Каментары