Пра гэта паведаміў дырэктар Інстытута генетыкі і цыталогіі Нацыянальнай акадэміі навук Беларусі Аляксандр Кільчэўскі 8 лютага на пасяджэнні круглага стала ў Мінску.
Паводле яго слоў, стварэнне банка ДНК будзе садзейнічаць захаванню біяразнастайнасці, а таксама пашырыць магчымасці для міжнароднага супрацоўніцтва беларускіх вучоных, атрымання камерцыйнай выгады для краіны. Так, падлічана, што захоўванне аднаго ўзору ДНК і шматразовае яго выкарыстанне дае эканомію каля 130 долараў. На сёння ў Інстытуце генетыкі і цыталогіі ўжо захоўваюцца 7 тыс. 912 узораў ДНК, у тым ліку такія запатрабаваныя іншымі краінамі, як узоры ДНК беларускіх зуброў.
Як сказаў Кільчэўскі, для стварэння нацыянальнага банка ДНК неабходнае асобнае памяшканне і спецыяльнае абсталяванне. Так, узоры ДНК павінны захоўвацца ў спецыяльным маразільніку пры тэмпературы мінус 180 градусаў.
Як зазначыў спецыяліст, інстытут ужо пачаў рэалізацыю праекта па стварэнні нацыянальнага банка ДНК. Ён павінен быць створаны ў найбліжэйшыя гады.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя8
Каментары