Масавая гібель пчол, якая назіраецца ва ўсім свеце, можа стаць сапраўднай катастрофай для ўсяго чалавецтва, мяркуюць навукоўцы. Па словах Жыля Ратыя, прэзідэнта Міжнароднага кангрэса пчалярскіх асацыяцый, узровень смяротнасці пчол на сёння складае 20-40%.
Каштоўнасць, якую пчолы ўяўляюць для чалавека, заключаецца не толькі ў іх здольнасці даваць мёд, але і ў здольнасці апыляць кветкі, пералятаючы з расліны на расліну.
Такім спосабам пчолы спрыяюць размнажэнню прыкладна 80% розных раслін у свеце, а гэта складае, у сваю чаргу, траціну рацыёну насельніцтва Зямлі.
Таму знікненне пчол можа пацягнуць за сабой такія сур'ёзныя наступствы, як напрыклад, востры недахоп мясных і малочных прадуктаў, а таксама гародніны і садавіны.
Галоўнымі прычынамі гібелі насякомых, на думку даследчыкаў, з'яўляюцца прымяненне ў сельскай гаспадарцы пестыцыдаў, вырошчванне монакультуры і няправільныя метады пчалярства.
Знікненне пчол таксама звязана з Вароа — паразітным кляшчом, які нясе гібель для гэтых насякомых
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары