Пра гэта было сказана ў віншавальным слове міністра замежных спраў Літвы Лінаса Лінкявічуса з нагоды адкрыцця Дзён Літвы ў Беларусі.Тэкст віншавання змешчаны на сайце Літоўскага пасольства ў Беларусі. Яго зачытаў пасол Эвалдас Ігнатавічус.
Гэты год асаблівы для Літвы – мы адзначаем 150-я ўгодкі паўстання 1863-га года, неўзабаве прымем кіраванне Еўрасаюзам [з 1 ліпеня]. Абодва гэтыя факты звязаныя і з суседняй Беларуссю – першы як знак агульнай гісторыі, другі – як знак еўрапейскага суседства,- гаворыцца ў віншаванні. Паміж гэтымі датамі – дзесяцігоддзі войнаў і падзелаў, спробы аднавіць дзяржаўнасць.
Радасна, што праз увесь гэты драматычны час літоўскі і беларускі народы захавалі традыцыі добрасуседства, што ствараліся стагоддзямі.
Літоўцы і беларусы істотна спрычыніліся да стварэння рэгіянальнага і еўрапейскага ідэнтытэту, у Вялікім Княстве Літоўскім захоўваючы мірнае суіснаванне розных нацыянальнасцяў, рэлігій і моваў, якое ў нашых краінах шануецца і дагэтуль.
Нашу агульную гістарычную і культурную спадчыну мы павінны прадставіць шырокаму свету, але перш за ўсё мы маем наноў адкрыць адно аднаго, бо дзесяцігоддзі, што мінулі, на жаль, пакінулі не адну белую пляму.
З мэтай прадставіць нашай суседцы Беларусі Літву нашых дзён, мы падрыхтавалі першыя «Дні Літвы», якія прэзентуюць і гістарычную, і сучасную Літву – яе выяўленчае мастацтва, тэатр, літаратуру і іншыя мастацтвы, а таксама магчымасці турызму і эканамічных сувязяў.
Ну а калі «Дні Літвы» падыйдуць да канца, мы пачнем старшынства Літвы ў Еўрасаюзе, якое адкрые новыя магчымасці для Беларусі і іншых усходніх краін-суседак. Дык будзем працягваць добрыя традыцыі мінулага і выкарыстаем магчымасці сучаснасці – будзем даведвацца, падтрымліваць адносіны, ствараць.
Лукашэнка памілаваў экс-кіраўніка сваёй аховы Уцюрына6
Каментары