З 1 ліпеня за праезд па шасці аўтадарогах трэ' будзе плаціць праз BelToll
З 1 ліпеня 2013 года на тэрыторыі Беларусі будзе дзейнічаць электронная сістэма збору платы за праезд BelToll. Некаторыя катэгорыі кіроўцаў, якія перамяшчаюцца транспартным сродкам па сетцы платных дарог, што ўваходзяць у сістэму BelToll, будуць абавязаныя ажыццяўляць плату за карыстанне аўтадарогай у электронным выглядзе.
Як паведаміў 27 мая на брыфінгу ў Мінску намеснік начальніка ўпраўлення ўтрымання дарожнай сеткі дэпартамента «Белаўтадар» Яўген Ракала, прадугледжана некалькі этапаў уводу сістэмы BelToll на дарогах агульнага карыстання.
З 1 ліпеня адбудзецца запуск сістэмы ў цэлым з пералікам аўтадарог, на якіх збіраецца плата — гэта магістралі М1/Е30 (Брэст — Масква), М2 (Мінск — Нацыянальны аэрапорт) на ўсім працягу,а таксама ўчасткі дарог М3 (Мінск — Віцебск), М4 (Мінск — Магілёў), М5 (Мінск — Гомель) і М6 (Мінск — Гродна). Наступным этапам — не пазней за 1 студзеня 2014 года — прадугледжваецца ўвядзенне збірання платы за праезд на астатніх участках аўтадарог агульнага карыстання.
Паводле слоў Ракалы, кошт першага этапу праекта — 120 мільёнаў еўра, планаваны тэрмін вяртання адкладзеных інвестыцый — тры гады.
Органам кантролю ў электроннай сістэме збору платы за праезд BelToll вызначана Транспартная інспекцыя (ТІ) Міністэрства транспарту і камунікацый.
Як расказаў першы намеснік начальніка ТІ Леанід Лемеш, кантроль будзе ажыццяўляцца ў кругласутачным рэжыме на ўсіх платных дарогах іДля гэтага прадугледжана перадача інвестарам на першым этапе 16 спецаўтамабіляў, якія будуць адпаведным чынам абсталяваныя. Кантроль будзе таксама арганізаваны ў 15 цэнтральных аўтадарожных пунктах пропуску на мяжы, на якіх афармляюцца асноўныя патокі міжнароднага транспарту. «Перш чым выехаць на платную аўтадарогу, — адзначыў Лемеш, — уладальнік ці вадзіцель аўтамабіля павінен зарэгістравацца ў сістэме і ўстанавіць бартавую прыладу. Без гэтага прыбора ён будзе лічыццапа-за такімі.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі3
Каментары