Cлавуты італьянскі тэнар памёр досьвіткам у чацьвер у Модэне на 72-м годзе жыцьця.
Памёр славуты італьянскі тэнар Лючана Павароці, паведаміла агенцтва Agr з спасылкай на мэнэджэра сьпевака. Сьпявак пайшоў з жыцьця на досьвітку ў чацьвер на 72-м годзе жыцьця.
У часе разьвітальнага канцэртнага туру ў чэрвені 2006 году ў сьпевака быў выяўлены рак падстраўнікавай залозы. Павароці зрабілі апэрацыю, дактары давалі аптымістычныя прагнозы. Аднак на пачатку жніўня 2007 —га тэнар зноў апынуўся ў шпіталі, дзе цягам 17‑ці дзён праходзіў працэдуры. Увечары 5 верасьня стала вядома, што стан здароўя Павароці рэзка пагоршыўся — у сьпевака адмовілі ныркі і ён упаў у кому.
Лючана Павароці нарадзіўся ў Модэне 12 кастрычніка 1935 году. Дэбютаваў у 1961 годзе ў ролі Рудольфа ў “Цыганэрыі” Пучыні. Ужо праз два гады ён сьпяваў у Ковэнт-Гардэн. У 1965 годзе – у мілянскай “Ля Скаля”, а ў 1968-м годзе — у “Мэтраполітэн”. Бэльканта з опэраў Бэліні, Даніцэці, Расіні і Вэрдзі было ягоным каньком. У яго быў нязвыкла моцны голас, найшырэйшага дыяпазону, аж да C2.
У 1980-90- гады ён перанёс замкнёны, элітарны сьвет опэры ў паркі і на стадыёны. Сьпяваў пад Эйфэлевай вежай, у Мэдысан Сквэр Гардэн і Цэнтральным парку ў Нью-Ёрку.Мільёны глядзелі канцэрты “Трох тэнараў”, якія ён даваў у кампаніі аксамітных галасоў Плячыда Дамінга і Хасэ Карэраса.
У 2006 годзе Павароці зрабілі апэрацыю па выдаленьні ракавае пухліны, а нядаўна ён зноў трапіў у шпіталь з той жы бядой.
А голас застанецца на запісах...
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары