З такой заявай выступіў міністр сельскай гаспадаркі Расіі Мікалай Фёдараў.
Па яго словах, якія перадае агенцтва «Прайм», ёсць выпадкі «не вельмі карэктнага рээкспарту з Беларусі пад выглядам беларускай прадукцыі, прычым папулярнай прадукцыі, у тым ліку малочнай». Чыноўнк заявіў, што могуць быць прынятыя рашэнні, скіраваныя на дадатковыя гарантыі бяспекі прадукцыі, якая пастаўляецца з Беларусі.
У той жа час Фёдараў прызнаў, што пастаўкі прадукцыі з Беларусі ўжо знаходзяцца пад вельмі пільным кантролем профільных ведамстваў.«Я не стаў бы казаць пра тое, што ёсць глабальная праблема», — канстатаваў ён.
Нагадаем, што Расія абмежавала пастаўкі мясной прадукцыі з нашай краіны. Расспажыўнагляд таксама выказаў незадаволенасць якасцю і бяспекай малочных прадуктаў.
У Мінску адбыліся масавыя затрыманні выдаўцоў і кнігараспаўсюднікаў33
Каментары