У чацвер на трасе М6 у Лідскім раёне (Гродзенская вобласць) з'явіўся манекен у чорным балахоне з касой і знакам абмежавання хуткасці 150 км/г з таблічкай.
Надпіс на шыльдзе абвяшчае: «Герой, чакаю цябе. Арганізацыя пахавання «Дом смутку».
«Гэта акцыя ДАІ Ліды, — паведаміў Алег Дук — старшы інспектар аддзела агітацыі і прапаганды Гродзенскай ДАІ. — Сёння ў Лідзе на пятнаццаці пешаходных пераходах з'явіліся шыльды з тэкстамі пра бяспеку дарожнага руху.
Напрыклад: «Пешаход! Паміраючы на пешаходным пераходзе ведай, што ты меў рацыю!»
У працяг акцыі змайстравалі гэты манекен, які паставілі на трасе М6, яго мэта папярэджваць пра наступствы перавышэння хуткасці».
Каментары