Масяня з'ездзіла ў Гейропу: сцёбны расійскі мульт пра расійскую ж прапаганду
У інтэрнэце з'явіўся чарговы мультфільм пра Масяню (і Хрундзеля). Гэтым разам эпізод пра паездку ў Гейропу — у горад Будапешт. Сюжэт просты: цяжарная Масяня нагледзелася расійскага ТВ і пад уражаннем антыўкраінскай прапаганды збіраецца біць «жыдабандэраўцаў-хахлоў-піндосаў» ці прынамсі сцерці іх у радыёактыўны пыл.
Доктар раіць вывезці Масяню ў якую-небудзь спакойную еўрапейскую краіну.
У выніку Масяня, седзячы на парапеце будынка ў Будапешце, кажа такія словы: «Бывай, старушка Еўропа, едзем у родны псіхдом. Знаеш [Хрундзель],
я ў 1990-я думала, што яшчэ крыху ў нас будзе, як Еўропе, чыста, мірна, свабодна і весела, а аказалася, што мы наогул у другі бок паўзем». «Так, — пагаджаецца Хрундзель, — здаецца ў Еўропу, мы ўмеем толькі на танках уязджаць».
Аўтар мульфільма на snob.ru іранічна «пакаяўся» за свой твор: «Я, Алег Куваеў, неабачліва намаляваў гэты шкодны мульт пад назвай «Масяня. Эпізод 121. Будапешт» выключна з прычыны сваёй ідэалагічнай неадукаванасці і недахопу палітычнай пісьменнасці…
Выбачаюся перад партыяй, урадам і адзінагалосным народам за высмейванне ўстановак і ўжыванне недарэчнага гумару. У сваё апраўданне спрабую прамямліць, што неўспрымальнасць да прамывання мазгоў з'яўляецца маім прыродным выродствам, і запэўніць, што абавязкова прайду курс лячэння шляхам 24- гадзіннага прагляду ідэалагічна правільных і зацверджаных праграм расійскага тэлебачання на працягу паўгода.
Прашу прабачэння ва ўсяго савецкага народа, партыі і ўрада за ідэалагічную прамашку і запэўніваю, што ўсвядоміў свой ліберастычны промах і ў хуткім часе выдалю гэты мультфільм з усіх носьбітаў, уключаючы мой уласны недаапрацаваны мозг, праедзены ліберастыяй, сіянізмам і бандэраўцамі…».
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары