З ініцыятывай выступілі шараговыя віцябляне. Іх падтрымала абласная філія Таварыства беларускай мовы.
Пра гэта ў гутарцы з Еўрарадыё распавёў кіраўнік філіі Іосіф Навумчык. Па яго словах, пакуль што няма ні праекта помніка і нават не вызначаны будучы аўтар.
Навумчык: «Для таго, каб штосьці пачынаць, трэба хаця б дзятяак мільёнаў сабраць. Ні праекта няма, ні месца яшчэ не вызначана… Узнікла такая ініцыятыва сярод радавых грамадзян горада Віцебска. Яны не звязаны з нейкімі палітычнымі рухамі, ці партыямі, ці нават грамадскімі арганізацыямі. Мы ў Таварыстве беларускай мовы падтрымалі, таму што гэта супадае з нашымі жаданнямі».
Сёння ў Віцебску няма ні вуліцы слыннага земляка, ні помніка — ёсць толькі памятная шыльда, кажа Навумчык. Ён спадзяецца, што гарадскія ўлады не застануцца ўбаку і падтрымаюць ініцыятыву. Тады, мяркуе актывіст ТБМ, можна будзе абвясціць конкурс на праект помніка, у якім прымуць удзел як мясцовыя аўтары, так і творцы па-за Віцебскам.
Навумчык спадзяецца, што помнік з'явіцца праз год-два, а не да стагоддзя Быкава, якое будуць адзначаць у 2024 годзе.
Індывідуальныя і калектыўныя ахвяраванні неабходна пералічваць на спецыяльны рахунак:
№3015095280016, МФО 150801635 в филиале №200 ОАО «АСБ «Беларусбанк», г.Віцебск, у любым аддзяленні гэтага банка з паметкай «На помнік Быкаву».
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1515
Каментары