Пра гэта заявіў прэм'ер-міністр Фінляндыі Аляксандр Стуб. Ён сказаў, што адказаць на просьбу міністра замежных спраў Украіны Паўла Клімкіна аб ваеннай дапамозе немагчыма.
«Гэта немагчыма ні з боку NATO, бо Альянс аказвае ваенную дапамогу толькі сваім сябрам, і гэта добра вядома, ні з боку ЕС, якому не хапае магутнасцяў, каб забяспечыць такую падтрымку», — сказаў Аляксандр Стуб.
Паводле яго слоў, ключавым пытаннем з'яўляецца цвёрдае гарантаванне перамір'я. Ці гатовыя прарасійскія сепаратысты ва ўсходняй Украіне да спынення агню — гэта «пытанне на тысячу еўра», адзначыў ён, дадаўшы, што пакуль перамовы па гэтым пытанні не прынеслі плёну.
Фінскі прэм'ер-міністр адзначыў, што Расія і Еўрасаюз перажываюць зацяжны перыяд далікатных адносін.
Вайна 2008 года ў Грузіі і крызіс у Украіне прадэманстравалі, што Расія таксама гатовая выкарыстаць сілу, каб падмацаваць сваю палітыку, адзначыў ён і падкрэсліўшы, што гэтую сітуацыю неабходна мяняць.
«Гэта ў нашых інтарэсах, каб сцены паміж Расіяй і Захадам былі як мага ніжэйшыя. Гэта тое, да чаго трэба імкнуцца, аднак, на жаль, мы яшчэ далёкія ад дасягнення гэтай мэты», - рэзюмаваў ён.
Нагадаем, у Берліне міністр замежных справаў Павал Клімкін заявіў, што Еўрасаюз і NATO павінны знайсці сілы, каб аказаць ваенную дапамогу Украіне.
Каментары