Палкоўнік В'ет Луонг прычапіў на вайсковай базе Форт-Худ у Тэхасе да сваёй формы генеральскую зорку і стаў першым генералам амерыканскай арміі, народжаным у В'етнаме — праз некалькі дзесяцігоддзяў пасля крывавай вайны, піша сайт statesman.com.
З 1955 па 1975 год на тэрыторыі В'етнама працягвалася вайна паміж мясцовымі камуністамі (Паўночным В'етнамам), падтрыманымі СССР і Кітаем, і антыкамуністамі (Паўднёвым В'етнамам), якія мелі дапамогу ЗША і краінаў заходняга блоку.
З 1965 да 1973 году амерыканскія наземныя войскі наўпрост ваявалі на баку Паўднёвага В'етнама і страцілі там каля 58 тысяч забітымі.
Бацька В'ет Луонга служыў у марской пяхоце Паўднёвага В'етнама.
Сям'я новага генерала, які нарадзіўся пад Сайгонам (цяпер Хашымін), збегла з краіны ў 1975 годзе — перад яе поўным захопам камуністычнымі вайскамі, калі хлопцу было 9 гадоў.
В'ет Луонг ваяваў у Іраку і Афганістане, а цяпер служыць намеснікам камандуючага 1 кавалерыйскай дывізіі.
Пра першы буйны бой гэтай дывізіі з арміяй Паўночнага В'етнама быў зняты фільм «Мы былі жаўнерамі» з Мэлам Гібсанам у галоўнай ролі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары