Меркаванне: павялічэнне хуткасці на МКАД і трасах пад Мінскам — ідыёцкае рашэнне
На МКАДзе і так людзі забіваліся дзясяткамі, а зараз будзе яшчэ горш. На кожным заездзе-з'ездзе на МКАД — аварыйная зона. А там дзе тыя заезды-з'езды супадаюць з мастамі і накладаюцца адзін на адзін — увогуле кашмар. Кожны, хто жыве за МКАДам, у курсе (я таксама там жыву і штодзень важу дзяцей у школу з праездам па МКАД – смяротная латэрэя).
Павышаеце хуткасць — пахавальныя бюро парадуюцца.
А за апошнім рашэннем, дарэчы, ідыёцкае жаданне пакрасавацца: во, маўляў, якія я зрабіў вам дарогі. А дарогі па бяспецы — зусім жа не нямецкія і не польскія аўтастрады. У нас яны танненькія, з’езды з іх танненькія, агароджаў вакол іх няма, дый якасць палатна не еўрапейская. І машыны ў нас не як у немцаў, і па падушках бяспекі ў тым ліку.
Любое павелічэнне вядзе да таго, што людзі, у прынцыпе, пачынаюць ездзіць хутчэй. А на МКАДзе ёсць месцы, дзе проста штодзённы гамон. Напрыклад, заезды-з'езды на МКАД каля праспекта ва Уруччы, з Усіхсвяцкай, з Партызанскага праспекта, з Ждановіч, каля Еўроопта ў Сухараве, з праспекта Дзяржынскага. Палосы разгону там такія кароткія (або іх няма зусім), што там суцэльная аварыйная сітуацыя ў гадзіны пік. А тут яшчэ па левай нехта будзе законна гнацца, а потым рэзка натыкацца на затор ці нечаканыя перастраенні…
Рашэнне, прынятае дзеля пыхі і рэйтынгу, будзе каштаваць нам сотні жыццяў.
Цяпер чытаюць
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары