Латвія бестэрмінова забараніла ўезд Ксеніі Сабчак і яе мужу Канстанціну Багамолаву
Адпаведную пастанову вынесла міністр замежных спраў краіны Байба Бражэ.
Міністр замежных спраў Латвіі Байба Бражэ ўнесла журналістку Ксенію Сабчак і яе мужа, рэжысёра Канстанціна Багамолава, у спіс асоб, непажаданых для краіны, і бестэрмінова забараніла ім уезд у краіну. Пра гэта кіраўнік МЗС паведаміла ў X.
«У адпаведнасці з часткай 3 артыкула 104 Закона аб іміграцыі я ўнесла грамадзян Расійскай Федэрацыі Ксенію Сабчак і Канстанціна Багамолава ў спіс асоб, непажаданых для Латвіі, і на нявызначаны тэрмін забараніла ім уезд у Латвію», — напісала Бражэ.
❌ Saskaņā ar Imigrācijas likuma 104.p.3.d. esmu iekļāvusi Latvijai nevēlamo personu sarakstā un uz nenoteiktu laiku aizliegusi ieceļot Latvijā KF pilsoņiem Ksenijai Sobčakai un Konstantīnam Bogomolovam.
Частка 3 артыкула 104 Закона аб іміграцыі Латвіі дазваляе забараняць замежным грамадзянам уезд у краіну. Адпаведнае рашэнне прымае міністр замежных спраў, паведамляе Delfi.lv.
Багамолаў — расійскі тэатрал і кінарэжысёр, вядомы сваімі пастаноўкамі ў маскоўскіх тэатрах. Сабчак і Багамолаў пажаніліся ў 2019 годзе.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну87
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары