Мінпрацы: Змяняць пенсійнае заканадаўства Беларусі ў сувязі з утварэннем ЕАЭС не плануецца
Змяненне пенсійнага заканадаўства Беларусі ў сувязі з утварэннем Еўразійскага эканамічнага саюза не плануецца. Аб гэтым паведамілі ў галоўным упраўленні пенсійнага забеспячэння Міністэрства працы і сацыяльнай абароны.
Паводле слоў спецыялістаў, у сувязі з падпісаннем дагавора аб ЕАЭС на парадку дня стаіць пытанне падрыхтоўкі шматбаковага міжнароднага дагавора аб супрацоўніцтве ў галіне пенсійнага забеспячэння ў рамках гэтага саюза, які прадугледжвае размеркаванне абавязацельстваў дзяржаў па назначэнні і выплаце пенсій за сфарміраваныя на іх тэрыторыі пенсійныя правы.
Цяпер эксперты рыхтуюць праект канцэпцыі гэтага дагавора. У міністэрстве падкрэслілі, што работа па падрыхтоўцы міжнароднага дагавора аб супрацоўніцтве ў галіне пенсійнага забеспячэння ў ЕАЭС у 2015 годзе выходзіць на першы план.
Што датычыцца іншых краін, то работа па заключэнні дагавораў у галіне пенсійнага забеспячэння вядзецца з Чэхіяй, Эстоніяй і Польшчай. У прыватнасці, у канцы лістапада бягучага года ў Мінску плануецца правядзенне беларуска-польскіх экспертных кансультацый.
Згодна з беларускім заканадаўствам, заключэнне міжнародных дагавораў уключае ў сябе некалькі паслядоўных стадый па фарміраванні зместу міжнароднага дагавора, прыняцці яго тэксту і выказванні згоды Рэспублікі Беларусь на абавязковасць для яе міжнароднага дагавора. Пры распрацоўцы міжнародных дагавораў у галіне пенсійнага забеспячэння прынцыповымі з'яўляюцца пытанні прызнання ў якасці перыядаў фарміравання пенсійных правоў грамадзян часу іх работы да заключэння дагавора і размеркавання фінансавай адказнасці паміж дзяржавамі - бакамі дагавора за прызнаныя пенсійныя правы.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра ваенныя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары