Уладзімір Падгол: Прапаную дапоўніць Маніфест у абарону незалежнасці ідэяй Караткевіча
Уважліва прачытаў Маніфест у абарону незалежнасці і вырашыў параіць арганізатарам Кангрэсу за незалежнасць некаторыя дадаткі.
Вось, напрыклад, аўтары праекта Маніфеста пішуць:
«Мы заяўляем:
Беларусь — гэта наш дом, у якім мы хочам будаваць сваё жыццё і гадаваць наступныя пакаленні. Наша зямля не павінна быць «шчытом», «фарпостам» ці «буферам» для суседніх дзяржаваў. Размяшчэнне замежных вайсковых кантынгентаў і базаў на тэрыторыі Рэспублікі Беларусь недапушчальнае. Усе замежныя войскі павінны пакінуць нашу тэрыторыю».
Прапаную ўжыць у тэксце Маніфеста ідэю Уладзіміра Караткевіча: «Беларусь — наш Дом, наш Храм».
Адсюль мусіць быць ужыта ў Маніфесце і ідэя роўных правоў для вернікаў усіх канфесіяў і адцуранне ад наяўнасці дзяржаўнай релігійнай канфесіі. А пакуль праваслаўная канфесія, якой кіруюць з Масквы, дэ факта зрабілася дзяржаўнай релігіяй і пагражае незалежнасці.
Ідэалагема «Наш Дом — Беларусь» патрабуе ўвядзення дзяржаўнай мяжы з Расіяй, бо адсутнасць мяжы-сцяны азначае, што наша Рэспубліка покуль не Дом, а прыбудова ці калідор. Адсутнасць мяжы з Расіяй дазваляе Крамлю разглядаць расійскія войскі ў Беларусі як натуральную з’яву. Крымінальнікі вольна сунуцца да нас з наркотыкамі і зброяй.
Маніфест у абарону незалежнасці мяркуецца прыняць на Кангрэсе ў абарону незалежнасці, які мае адбыцца ў Мінску 21 снежня. Яго арганізуюць Рада беларускай інтэлігенцыі і Таварыства беларускай мовы. Да іх нечакана далучылася лукашэнкаўская Ліберальна-дэмакратычная партыя.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары