Кіраўнік фракцыі «Блок Пятра Парашэнкі» і былы міністр унутраных спраў Украіны Юрый Луцэнка напісаў у Facebook, што падрыхтоўка праекта закона «Пра Нацыянальную паліцыю» скончаная.
Па ягоных словах, галоўныя навацыі ў дакуменце наступныя:
— Нацыянальная паліцыя ўзначальваецца начальнікам паліцыі, які прызначаецца Кабінетам міністраў на пяць гадоў,
— ствараюцца цэнтральная і абласныя камісіі з 5 асоб пры нацыянальнай паліцыі; у цэнтральнай камісіі 3 з 5 сябраў прызначаюцца Кабінетам міністраў, Вярхоўнай Радай і Ўпаўнаважаным Вярхоўнай Рады па правах чалавека,
— гэтыя камісіі праводзіць сецыяльную праверку пры прыняцці ў Нацыянальную паліцыю, конкурс на заняцце пасад і дысцыплінарныя расследаванні,
— таксама паліцыя знаходзіцца пад кантролем у выглядзе інспекцыйных праверак, пры якіх не менш за 20% інспекцыйнай групы мусяць складаць праваабаронцы,
— прызначэнні на пасады ў паліцыі праводзяцца на конкурснай аснове з выкарыстаннем дэтэктара хлусні,
- мясцовыя рады ўзгадняюць прызначэнні паліцыі грамадскай бяспекі і дарожнай паліцыі, а таксама могуць іх здымаць 2/3 галасоў.
«У выпадку, калі гэты закон будзе прыняты, МУС перастане быць савецкім міністэрствам міліцыі, а пераўтворыцца ў еўрапейскае цывільнае міністэрства ўнутраных спраў», - піша Луцэнка.
Падчас спецправерак і конкурсаў за 6 месяцаў плануецца стварыць Нацыянальную паліцыю Украіны. Аўтаматычнае перапрызначэнне міліцыянэраў на паліцэйскія пасады прапануецца забараніць.
Адным з важных фактараў перамогі рэвалюцыі ва Украіне ў студзені-лютым 2014 года была дэмаралізацыя і карумпаванасць міліцыі, амаль татальны недавер да яе з боку грамадзтва.
Летам 2013 году жыхары мястэчка Врадзіеўка ў Мікалаеўскай вобласці штурмавалі аддзяленне міліцыі, у сувязі з тым, што міліцэйскае начальства і пракуратура ўзялі пад абарону 2 афіцэраў міліцыі, якія групай гвалтавалі і катавалі маладую мясцовую жыхарку.
На паўднёвым усходзе Украіны міліцыянеры часта нічога не рабілі, каб абараніць свае гарады ад расійскіх баевікоў і пераходзілі на іхны бок.
Праект закона «Пра Нацыянальную паліцыю» апублікаваны на старонцы «3-я Украінская Рэспубліка»
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў5
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары