Амерыканец апублікаваў 12,5 тысяч даследаванняў назірання НЛА
Энтузіяст з ЗША Джон Грынвальд апублікаваў вынікі 20-гадовай працы па зборы інфармацыі аб праекце даследаванняў паведамленняў па назіранні НЛА.
На сайце ў фармаце PDF сабраныя 140 тысяч старонак дакументаў аб 12618 паведамленняў пра НЛА, пераважна над ЗША.
Кожны дакумент утрымлівае падрабязнае апісанне падзеі і гіпотэзы аб паходжанні загадкавых аб’ектаў. Шукаць паведамленні можна як па ключавым слове, так і па годзе — з 1940-х па 1960-я.
Толькі 700 паведамленняў застаюцца без лагічнага тлумачэння.
Напрыклад, жоўтыя і сінія ўспышкі ў небе над Невадай (PDF), што назіраліся 3 студзеня 1960 года, тлумачацца запускам ракет нявызначанага тыпу, якія не былі заўважаныя радарамі. А пра паведамленні мясцовых жыхароў аб срэбнай сферы ў небе над Будапештам (PDF), Венгрыя, 10 чэрвеня 1947 года недастаткова звестак – у справаздачы просяць паведаміць аб з’яўленні дакументальных здымкаў.
Дакументы адносяцца да праекта «Сіняя кніга», што здзяйсняўся ваенна-паветранымі сіламі ЗША з 1952 па 1970 год.
НЛА аналізаваліся на прадмет пагрозы нацыянальнай бяспецы. Пасля таго, як было вырашана, што ў НЛА нічога анамальнага няма, праект быў згорнуты.
Ніводны аб’ект не прадстаўляў пагрозы нацыянальнай бяспецы, ніводны аб’ект не быў створаны з дапамогай тэхналогій па-за межамі тагачаснай навукі, ніводны не быў прызнаны незямным.
Энтузіясты па ўсім свеце збіраюць сведчанні аб НЛА. Адсартаваныя па гадах лепшыя здымкі можна праглядзець, напрыклад, тут. А звязацца з беларускімі даследчыкамі НЛА, палтэргейсту і іншых анамальных з’яў можна тут.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай8
Каментары