Манастыры і храмы цяпер абавязаны атрымліваць спецыяльнае благаславенне на адкрыццё царкоўных крам і выкарыстанне скрыняў для ахвяраванняў за межамі сваёй тэрыторыі. Аб гэтым на прэс-канферэнцыі 20 студзеня ў Мінску паведаміў мітрапаліт Мінскі і Заслаўскі Павел, патрыяршы экзарх усяе Беларусі.
Паводле яго слоў, гэта зроблена для ўпарадкавання вядзення спраў у храмах і манастырах, а таксама для барацьбы з махлярамі, якія збіраюць ахвяраванні пад выглядам прадстаўнікоў царквы. «Вельмі часта здараюцца такія эпізоды, калі пад выглядам збору ахвяраванняў на храм гэтыя скарбонкі выкарыстоўваюць людзі зусім нецаркоўныя», — патлумачыў мітрапаліт Павел.
Цяпер любы грамадзянін можа папрасіць для азнаямлення ў царкоўнай краме або ў прадстаўніка храма, які збірае ахвяраванні, выдадзены БПЦ сертыфікат-благаславенне. «Калі вы пройдзеце і паглядзіце, то можаце знайсці тых людзей, якія часам нават апранаюць падраснікі, скуф'ю, бяруць таблічкі, што яны збіраюць ахвяраванне для храма, але на самой справе гэта няпраўда», — адзначыў патрыяршы экзарх.
Прадстаяцель БПЦ таксама звярнуў увагу на тое, што царкоўныя крамы павінны прадаваць толькі ліцэнзаваны і сертыфікаваны тавар. Акрамя таго, паводле яго слоў, царкоўныя крамы не павінны прадаваць святую ваду. «Гэта нонсенс. Калі вы сапраўды хочаце людзям дапамагчы, то вы ім прапануйце. Калі толькі я даведаюся, што хтосьці прадае святую ваду, то буду іх караць», — сказаў Павел, дадаўшы, што святую ваду можна раздаваць у крамах за добраахвотныя ахвяраванні.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна14
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары