Намінальная налічаная («бруднымі») сярэднямесячная заработная плата работнікаў у Беларусі ў студзені-лютым 2015 г. склала 6 069,8 тыс. рублёў, у тым ліку ў лютым — 6 129,1 тыс. рублёў, і павялічылася ў параўнанні са студзенем 2015 г. на 1,8%, або на 105,9 тыс. рублёў, паведамляе Белстат.
Рэальны заробак (заработная плата, разлічаная з улікам росту спажывецкіх цэн на тавары і паслугі) у студзені-лютым 2015 у параўнанні са студзенем-лютым 2014 г. зменшыўся на 3,2%, у лютым 2015 г. у параўнанні са студзенем 2015 павялічыўся на 0,1%.
У лютым 2015 г. у прамысловасці сярэдні заробак склаў 6 386,6 тыс., у будаўніцтве — 7 002,4 тыс., на транспарце і ў сувязі — 6 929,9 тыс., у сельскай і лясной гаспадарцы — 4 344,3 тыс., у адукацыі — 4 610,7 тыс., у тым ліку настаўнікаў - 5 552,9 тыс., прафесарска-выкладчыцкага складу — 7 406,9 тыс. рублёў. Заробак работнікаў аховы здароўя ў лютым 2015 г. склаўся ў памеры 5 161,3 тыс. рублёў. Сярэдняя заработная плата дактароў склала 8 389,8 тыс. рублёў, сярэдняга медыцынскага персаналу - 5 134,6 тыс. рублёў, дадае Белстат.
Найвышэйшую сярэднюю зарплату, 31 400 тыс. рублёў, атрымалі супрацоўнікі ІТ-сферы.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары