Калі беспрацоўны адмовіцца працаваць, яму прыпыняць выплаты па беспрацоўі.
Пастанова Мінгарвыканкама, апублікаваная на pravo.by 29 мая, абавязала ўсіх беспрацоўных сталіцы працаваць на грамадскіх работах. Пастанова набыла сілу з дня апублікавання.
З мая па верасень 2015 года беспрацоўныя мусяць працаваць па два дні на месяц, з кастрычніка па снежань — па адным дні. Праца будзе аплочвацца.
Якім будзе (і ці будзе) рэжым працы пасля 2015 года, не ўдакладняецца.
Працы пазбегнуць непаўнагадовыя, цяжарныя, інваліды, чарнобыльцы, бацькі ў шматдзетных і няпоўных сем’ях альбо бацькі дзяцей-інвалідаў. Таксама пастанова не тычыцца людзей перадпенсійнага ўзросту (за два гады да яго), звольненых праз скарачэнне ці ліквідацыю прадпрыемства ў першыя тры месяцы з рэгістрацыі беспрацоўным, а таксама тыя, хто ўжо прыстроены на часовыя працы.
Праца для беспрацоўных не будзе патрабаваць дадатковай кваліфікацыі і мець сацыяльную значнасць.
Сярод работ — збор смецця, сельскагаспадарчыя работы, азеляненне, рэкультывацыя зямлі і меліярацыя, прыродаахоўчыя работы, будаўніцтва і рамонт дарог, пракладка камунікацый, будаўніцтва жылых і іншых памяшканняў, аднаўленне культурных комплексаў і запаведных зон, праца ў ЖКГ і сферы сацыяльных паслуг, правядзенне культурных мерапрыемстваў і дагляд за могілкамі.
Чытайце таксама: У Мінску налічылі да 130 тысяч дармаедаў
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары