Упраўленнем Следчага камітэта па Гродзенскай вобласці высвятляюцца абставіны забойства, здзейсненага ў адной з бальніц Гродна, паведамляе прэс-служба СК.
Увечары 3 чэрвеня ў адну з медыцынскіх устаноў Гродна паступіў мужчына, 1959 года нараджэння, з захворваннем сардэчна-сасудзістай сістэмы.
Ноччу ў пацыента на фоне хваробы пагоршыўся псіхічны стан.
Зайшоўшы ў палату, у якой на лячэнні знаходзіліся пажылыя жанчыны, ён нанёс ім зэдлікам, рукамі і нагамі ўдары па розных частках цела.
У выніку адна з пацыентак памерла, а траім нанесеныя пашкоджанні рознай ступені цяжкасці.
На месца здарэння выехалі следчыя СК, супрацоўнікі міліцыі і спецыялісты Дзяржкамітэта судовых экспертыз.
Быў зроблены агляд месца здарэння, дапытаныя пацыенты і персанал бальніцы, канфіскавана і вывучаецца медыцынская дакументацыя. Мужчына затрыманы.
У дачыненні да яго ўпраўленнем Следчага камітэта па Гродзенскай вобласці распачата крымінальная справа па артыкуле «забойства».
Па крымінальнай справе прызначана правядзенне шэрагу экспертыз, у тым ліку псіхолага-псіхіятрычнай у дачыненні да падазраванага.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект20
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары