«Падтрымкі ў Маскве не шукаю»: Сяргей Калякін другім падаў дакументы у ЦВК
Другім на рэгістрацыю ініцыятыўнай групы па вылучэнні кандыдатам у прэзідэнты на выбарах 2015 года падаў лідар Беларускай партыі левых «Справядлівы свет» Сяргей Калякін. Адбылося гэта ў 11:10.
Кіраўніком ініцыятыўнай групы будзе Валерый Ухналёў. Калякін і Ухналёў разам падавалі дакументы, якія прыняла загадчык арганізацыйна-прававога аддзела Галіна Мкртычан.
Як паведаміў Сяргей Калякін «Нашай Ніве» ў склад яго ініцыятыўнай групы ўваходзіць 1513 чалавек ва ўзросце ад 18 да 95 гадоў. «13 — маё шчаслівае чысло», — адзначыў Калякін.
«Мне лёгка ісці на выбары, — кажа ён. — Бо ўладзе сёлета няма чаго прапанаваць».
Калякін зазначае, што пакуль здымацца на карысць Анатоля Лябедзькі або Таццяны Караткевіч ён не збіраецца.
«Гэта і добра, што апазіцыя ідзе на выбары трыма калонамі. Ёсць выбар», — дадае ён.
Сябе ён пазіцыянуе як сацыяліста, што прадстаўляе левы фланг. Караткевіч, на яго думку, — цэнтрыстка, Лябедзька прадстаўляе правы фланг.
Калякін таксама дадаў, што падтрымкі ў Маскве, у адрозненне ад Лукашэнкі, не шукае.
Прэзідэнцкія выбары запланаваныя на 11 кастрычніка.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі30
Каментары