Камп’ютарную праграму навучылі вучыцца па відэаўроках
У прыватнасці, праграма даведалася, як замяніць кола на машыне.
Французскія даследчыкі стварылі праграму аналізу відэаінструкцый у інтэрнэце і апісалі яе на arXiv.org, распавядае N+1.
Праграма праглядае шэраг відэаролікаў на зададзеную тэму і складае пакрокавы план выканання задачы з ілюстрацыяй да кожнага кроку.
Алгарытм праверылі на 30 відэа пра тое, як памяняць кола, і 27 відэа пра сардэчна-лёгачную рэанімацыю. У першым выпадку праграма правільна зразумела 90% неабходных крокаў, у другім — толькі 67%.
У кожным выпадку ілюстрацыі пад крокі падбіраліся карэктна. Прычым розныя апісанні дзеянняў (напрыклад, «падыміце машыну» і «прыпадыміце аўтамабіль» у розных роліках) складваліся ў адзін крок-этап разам з усімі ілюстрацыямі, звязанымі менавіта з гэтым крокам.
Гэта першы выпадак паспяховага стварэння інструкцыі з ілюстрацыямі метадам машыннага навучання. Раней атрымлівалася ці толькі падабраць выявы пад гатовы алгарытм, ці толькі разбіць відэа на лагічныя адрэзкі. Распрацоўка можа дапамагчы вучыць робатаў пэўным аперацыям, у якіх яны могуць дапамагаць чалавеку — напрыклад, навучаць робата-кухара новым стравам.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары