1 верасня ў інтэрнэце стаў даступны абноўлены афіцыйны сайт нацыянальных даменных зон Беларусі.by і.бел — http://cctld.by. Абнаўленне сайта ў значнай ступені прадыктаванае з'яўленнем зоны.бел, рэгістрацыя даменаў у якой стартавала 1 сакавіка 2015 года.
Рэсурс мае шэраг карысных функцый, сярод якіх сэрвіс праверкі прыналежнасці даменных імён у зоне.бел, што атрымаў сваю назву ад англійскага пытання «Who is?» («Хто?»).
Як адзначаюць адміністратары рэсурсу, сэрвіс Whois дазваляе за некалькі секунд праверыць статус дамена.бел і.by і звязацца з яго ўладальнікам. Калі дамен заняты, то наведвальнік сайта атрымае звесткі пра рэгістратара, уладальніка (уладальнік дамена — фізічная асоба ў адрозненне ад юрыдычнай можа ўтаіць свае даныя) і стан дамена (даты стварэння, апошняга абнаўлення і завяршэння рэгістрацыі). Звязацца з уладальнікам даменнага імя незалежна ад яго тыпу можна ў тую ж хвіліну: пры дапамозе зручнай формы зваротнай сувязі на старонцы вынікаў праверкі.
Акрамя гэтага, на сайце пашыраны раздзел статыстыкі: зараз можна даведацца не толькі інфармацыю аб колькасці рэгістрацый па гадах, тыпу рэгістрантаў і краінах. Сэрвіс таксама дае звесткі пра колькасць рэгістрацый даменаў.by і.бел сёння і ў пэўны месяц, пра агульны лік даменаў з пачатку рэгістрацый. Так, на момант запуску сайта колькасць даменаў.by перавысіла 121 тысячу, а даменаў.бел — склала больш за 2,5 тысячы рэгістрацый.
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»6
Каментары