Новым міністрам культуры стане Міхась Баразна, а Святлова прызначаць паслом у Малдове?
Пасля прэзідэнцкіх выбараў урад Беларусі фармальна сыходзіць у адстаўку, але пасля многія чыноўнікі вяртаюцца на ранейшыя пасады.
Як стала вядома «Нашай Ніве» з крыніц у міністэрстве культуры, гэтае ведамства атрымае новага кіраўніка.
Ранейшы міністр культуры Барыс Святлоў нібыта ўзначаліць дыпламатычную місію ў Малдове.
Мяркуецца, новым міністрам стане Міхась Баразна, цяперашні рэктар Акадэміі мастацтваў.
* * *
Міхась Баразна
Нарадзіўся ў 1962 годзе ў вёсцы Ракушава Круглянскага раёна Магілёўскай вобласці.
У 1985 годзе скончыў мастацка-прамысловы факультэт Беларускага дзяржаўнага тэатральна-мастацкага інстытута.
З 1986 па 1992 гады – мастацкі рэдактар выдавецтва «Беларусь».
З 1992 года выкладае ў Беларускай дзяржаўнай акадэміі мастацтваў, у 1996–1998 в.а. загадчыка кафедры гісторыі і тэорыі мастацтваў, з 1999 прарэктар, з 2010 года – рэктар Беларускай дзяржаўнай акадэміі мастацтваў.
Кандыдат мастацтвазнаўства, прафесар кафедры гісторыі і тэорыі мастацтваў, дацэнт.
Цяпер чытаюць
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак3
Каментары