Упраўленнем Следчага камітэта па Мінскай вобласці распачата крымінальная справа ў дачыненні да дырэктара навучальна-доследнага рэспубліканскага ўнітарнага прадпрыемства «Шчомысліца» БДУ, абвінавачанага ў хабарніцтве.
Чалавека затрымалі супрацоўнікі УБЭП УУС Мінаблвыканкама супольна з УКДБ па Мінскай вобласці і Мінску пасля атрымання хабару.
Устаноўлена, што дырэктар, з'яўляючыся ўпаўнаважанай асобай на здзяйсненне юрыдычна значных дзеянняў, атрымаў ад прадстаўніка прыватнага прадпрыемства грашовыя сродкі ў суме 1400 даляраў ЗША за спрыяльнае вырашэнне пытання аб заключэнні паміж названымі суб'ектамі дагавора арэнды памяшкання.
Затрыманаму выстаўленае абвінавачванне ў атрыманні хабару. Ён узяты пад варту.
Каментары