З ліпеня на шашы Via Baltica быў задзейнічаны першы ў Літве тэставы сектарны радар. Ён на амаль 5-кіламетровым участку паміж Каўнасам і Марыямпале вымяраў сярэднюю хуткасць транспартных сродкаў.
Правапарушальнікаў - тысячы, а на будучыню ёсць планы па пашырэнні сістэмы. Першае выпрабаванне радар прайшоў паміж Каўнасам і Марыямпале на адрэзку ў 4,873 км. Ён замярае пачатковую і канчатковую хуткасць аўтамабіля. Гэты ўчастак можна пераадолець не хутчэй чым за 200 секунд.
Чакаецца, у будучыні колькасць такіх радараў павялічыцца да 100, а гэта абыйдзецца ў 1 млн еўра. Зрэшты, у сувязі з з'яўленнем новага радара з'явіліся і прававыя спрэчкі.
«З'явіліся і прававыя нюансы. Таму што ўводзіцца паняцце сярэдняй хуткасці, каб можна было караць за перавышэнне сярэдняй хуткасці», — сказаў кіраўнік аддзела бяспекі руху Літоўскай дырэкцыі аўтамабільных дарог Нямунас Абукаўскас.
Звычайна кіроўцы перад радарамі зніжаюць хуткасць, а потым зноў ціснуць на газ.
«Сектарны радар пазбаўлены гэтага мінуса — заязджаеш у сектар і едзеш гэтую адлегласць ўважліва. Гэта эфектыўна», — кажа Абукаускас.
На адрэзку магістралі Via Baltica радар дзейнічае ўжо амаль паўгода, і ўжо бачныя першыя вынікі: у сярэднім за месяц фіксуецца каля 10 000 парушэнняў з перавышэннем хуткасці да 10 км/г. Колькасць кіроўцаў, якія перавышаюць хуткасць на 11-20 км/г, у месяц фіксуецца каля тысячы, на 21-30 км/г — каля 150, на 31—40 км/г — каля 20.
Плануецца, што ў будучыні новыя радары будуць устаноўлены на магістралях Via Baltica, Вільня — Каўнас, Вільня — Панявежыс, Панявежыс — Шаўляй, Шаўляй — Паланга
Каментары