Выдавецтва «Беларускі дом друку» нечакана загадала рэдакцыйна-выдавецкай установе «Культура і мастацтва» пакінуць памяшканне, якое тая арандуе больш за дзесяць гадоў.
«Мы дзесяць гадоў здымаем памяшканне ў «Доме друку», 25 гадоў друкуем тут газету, 30 з нечым – часопіс… Таму навіна была нечаканай, — кажа Сяргей Трафілаў, галоўны рэдактар грамадска-асветніцкага штотыднёвіка «Культура», які разам з часопісам «Мастацтва» ўваходзіць у склад РВУ «Культура і мастацтва». – 31 сакавіка павінна скончыцца дамова аб арэндзе, арэндадавец яе вырашыў не працягваць. Відаць, гэта звязана з тым, што яшчэ ў 2014 годзе ў «Дом друку» прыходзіў інспектар пажарнага нагляду Савецкага раёна сталіцы, які выказаў заўвагі да памяшкання, якое мы здымаем. А гэта былая актавая зала, якую, напэўна, яшчэ мінулы арандатар падзяліў драўлянымі перагародкамі на такія «кабінецікі» без столі. І вось да іх і выказалі прэтэнзіі».
«Культура і мастацтва» прапаноўвала, каб «Дом друку» разабраўся, «Дом друку» прапанаваў тое ж самае «Культуры і мастацтву», сцвярджае Трафілаў. У выніку ўсё засталося як было. Па словах суразмоўцы, да «Дома друку» звярталіся з запытам аб новым памяшканні, але нічога не знайшлося. І вось «Культуры і мастацтву» паведамілі, што дамову працягваць не будуць.
«Дырэкцыя ўстановы звернецца да нашага заснавальніка, Міністэрства культуры, і будзем шукаць іншае памяшканне, – кажа Трафілаў. – На «Дом друку» крыўды няма, але ёсць здзіўленне: чаму яны так абышліся са сваім шмагадовым арандатарам».
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь7
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары