Як паведаміў тэлеканалу Al Arabiya прадстаўнік Сірыйскай абсерваторыі па правах чалавека Рамі Абдул Рахман, у выніку авіяўдару аш-Шышані, вядомы па мянушцы Умар-Чачэнец, які адказвае за ваенныя аперацыі ў «Ісламскай Дзяржаве», атрымаў цяжкае раненне і знаходзіцца ў стане клінічнай смерці.
Па звестках тэлеканала, тэрарыст не можа самастойна дыхаць і падлучаны да спецыяльнай апаратуры. Ён знаходзіцца ў шпіталі на ўсходзе сірыйскай правінцыі Рака, дзе яго спрабуе выратаваць замежны спецыяліст.
8 сакавіка агенцтва Reuters са спасылкай на крыніцы ў ЗША паведаміла пра тое, што аш-Шышані быў імаверна забіты ў выніку авіяўдару, аднак пацвердзіць гэта ў Вашынгтоне не змаглі.
Пазней праваабаронцы паведамілі, што аш-Шышані застаўся жывы, аднак цяжка паранены. Пры гэтым падрабязнасцяў пра яго стан не паведамлялася.
Абу Умар аш-Шышані — этнічны чачэнец, сапраўднае імя якога Тархан Бацірашвілі.
Паводле звестак амерыканскага Інстытута Брукінгса, Шышані кіруе ваеннымі аперацыямі ў Сірыі, куды ён прыехаў у 2013 годзе. Амерыканскія ваенныя называюць яго «міністрам вайны», адзначае Reuters. ЗША прапанавалі за інфармацыю пра аш-Шышані ўзнагароджанне да $5 млн.
У кастрычніку 2014 года агенцтва Bloomberg паведамляла, што Абу Умар аш-Шышані прыгразіў уварваннем ў Расію. Па інфармацыі выдання, пра свае намеры баявік заявіў у тэлефоннай размове з бацькам, але пазней апошні заявіў, што ўжо даўно не меў зносінаў з сынам.
Раней у СМІ неаднаразова з'яўлялася інфармацыя аб знішчэнні баевіка, але яна заставалася непацверджанай. Так, у лістападзе 2014 года аб знішчэнні аш-Шышані заяўляў кіраўнік Чачні Рамзан Кадыраў. Ніякіх дэталяў пра смерць баевіка Кадыраў не паведамляў.
Цяпер чытаюць
Айцішнік і былы палітвязень Віктар Куўшынаў прадае за 850 тысяч еўра дом у Партугаліі, які пабудаваў паўтара года таму ФОТЫ20
Каментары