Колькасць здарэнняў з удзелам самалётаў, якія належаць кампаніям былога СССР, дасягнула 10-гадовага максімуму, гаворыцца ў дакладзе па бяспецы палётаў у 2015 годзе, падрыхтаваным Міждзяржаўным авіяцыйным камітэтам.
Як вынікае з апублікаванай МАК статыстыкі, расейскія самалёты падалі часцей, чым самалёты іншых краін былога СССР. З расследавання МАК вынікае, што за 2015 год адбылося 56 авіяцыйных здарэнняў, 41 з якіх прыйшлося на Расію. У катастрофах з удзелам расійскіх самалётаў загінулі 60 чалавек, або амаль палова ад агульнай колькасці загінулых.
У дакладзе не ўлічвалася гібель пасажыраў з прычыны тэрактаў.
Як адзначаюць аўтары дакладу, колькасць авіяздарэнняў у параўнанні з 2014 годам узрасла з 48 да 56, пры гэтым доля сур'ёзных авіякатастроф застаецца на ранейшым узроўні, а асноўнай іх прычынай застаецца чалавечы фактар.
«70% здарэнняў абумоўленыя чалавечым фактарам, 24% — адмовамі/няспраўнасцямі авіяцыйнай тэхнікі, 6% — неспрыяльным вонкавым уздзеяннем», — гаворыцца ў дакуменце.
«Прымаючы пад увагу тое, што працэнт авіяцыйных здарэнняў, звязаных з праявай чалавечага фактару ў лётнай і тэхнічнай эксплуатацыі паветраных судоў, не змяншаецца, распрацаваць у дзяржавах мэтавыя комплексныя праграмы па ўсіх аспектах ўплыву чалавечага фактару на бяспеку палётаў. Рэкамендацыя давалася неаднаразова», — рэзюмуюць аўтары дакладу.
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома10
Каментары