«Белавія» з 25 красавіка павялічвае колькасць рэйсаў з Мінска ў Кіеў, паведамілі ў прэс-службе авіякампаніі.
«З 25 красавіка па 29 кастрычніка 2016 года будзе выконвацца трэцяя частата ў Міжнародны аэрапорт Кіеў (Жуляны). Такім чынам, ва ўкраінскую сталіцу «Белавія» будзе лётаць 5 разоў штодня», — адзначылі спецыялісты.
Раней самалёты перавозчыка з Мінска ў Кіеў лёталі двойчы ў дзень на аэрапорт Барыспаль і двойчы ў Міжнародны аэрапорт Кіеў (Жуляны).
Дадатковы рэйс будзе выконвацца з Мінска ў 14.15, з Кіева — у 17.15 па мясцовым часе. Час у шляху складзе 1 гадзіну.
Акрамя таго, у авіякампаніі распавялі пра адкрыццё з 17 чэрвеня яшчэ аднаго рэйса са сталіцы Беларусі ў Адэсу.
«Увядзенне дадатковых частот ў Кіеў і Адэсу звязана ў першую чаргу з сезоннасцю і павышэннем попыту на перавозкі з боку адпачывальнікаў», - растлумачылі ў авіякампаніі.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары