Зборная Бельгіі, якая лічыцца адным з фаварытаў Еўра-2016, паспрабавала апраўдаць свой статус у матчы з Ірландыяй. Атрымалася пераканаўча — 3:0.
Першы тайм бельгійцы ціснулі, але не змаглі забіць ніводнага гола. Затое пасля перапынку расшчодрыліся адразу на тры забітыя мячы. Два з іх забіў нападаючы англійскага «Эвертана» Рамэлу Лукаку, яшчэ адзін на рахунку паўабаронцы расійскага «Зеніта» Акселя Віцэля.
Статыстыка па ўдарах — 18:8 на карысць бельгійцаў. Аднак даволі вялікая лічба ў ірландцаў — ілюзія барацьбы. Па дакладных стрэлах лік — 7:2.
Нагадаем, у першай сустрэчы бельгійцы саступілі Італіі (0:2). А Ірландыя і Швецыя згулялі ўнічыю 1:1.
Сітуацыя ў групе E наступная: Італія – 6 пунктаў, Бельгія – 3, Швецыя – 1, Ірландыя – 1.
Італія ўжо датэрмінова выйшла ў плэй-оф, Бельгіі для дасягнення такога выніку трэба не прайграць у апошнім матчы шведам.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары