Рэферэндум аб дапушчальнасці абавязковага размеркавання мігрантаў па краінах ЕС пройдзе ў Венгрыі 2 кастрычніка, заявіў прэзідэнт краіны Янаш Адэр.
Пытанне, вынесенае на галасаванне, будзе гучаць так: «Ці вы хочаце, каб Еўрасаюз меў права ўстанаўліваць абавязковае рассяленне замежных грамадзян у Венгрыі без згоды [нацыянальнага] парламента?»
Урад Венгрыі выступае супраць планаў Еўрасаюза рассяліць 160 тысяч мігрантаў па большасці краін ЕС праз абавязковыя квоты. Большасць краін-членаў блока ўхвалілі гэтыя меры ў верасні мінулага года.
Раней прэм'ер-міністр Венгрыі Віктар Орбан заяўляў, што квоты ЕС на размеркаванне мігрантаў могуць «радыкальна змяніць культурную і рэлігійную ідэнтычнасць Еўропы».
Ён таксама падкрэсліваў, што еўрапейскі прынцып свабоды перамяшчэння апынуўся пад пагрозай з-за вялікага наплыву мігрантаў, і сцвярджаў, што шмат у чым міграцыйны крызіс з'яўляецца праблемай Германіі, а не астатніх краін Еўрасаюза.
Восенню мінулага года Венгрыя пабудавала ўздоўж мяжы з Сербіяй бар'ер з калючага дроту ў надзеі спыніць прыток нелегальных мігрантаў у краіну.
Цяпер чытаюць
Бабарыка: Калі б мы перамаглі — вайны ва Украіне не было б34
Каментары